صبري هل مدة اكتئابك كلها كانت سيئة ولا مرت عليك فترات خف عليك

سيئه جدا بشكل عام والسبب اني مصاب بشيطان الحسد وهذا اعراضه مصيبه
يعني من هنا ومن هنا
والنفسيه والمزاج تعبانين اخر تعب والواحد مايعرف ايش يسوي

بس غريب اني أوقات اكون هادى وأوقات احس مفور عصبي واذا وصلت هالحاله حتا صلاه ماقدر اصليها واكره كل شي يعني اشياء صراحه تزعل الواحد

نبي نعيش حياتنا تقريبا ٢٠ سنه اكتئاب وعزله رغم اني اطلع واحاول اسوي اشياء لاكن مقارنه بالناس الطبيعيه فرق كبير جدا
والله العظيم اني زعلان اني اصبت بهالبلاوي لو شي عضوي اهون اما نفسي اااه بس
وناس ماتعاني من شي ابد كل همها النجاح والسعاده والفله وهذا شوف عيني مو احد يقولي يعني انا لو عندي القوه اني اخلص خلصت وافتكيت من هالحياه الي ماشفت منها الا البلاوي
والغير متهني ومبسوط ظلم كبير

السلام عليكم

يارب تكونون دوم بخير و في خير و إلى خير


صبري دام كل ذا يجري بمقادير الله فحي هلا بمقادير الله

اليأس و القنوط فوق انه ذنب عظيم يبي يتعبنا زيادة

و فوق ذا برضه مقادير الله تبي تجري رضينا أم أبينا


ما بيدنا غير شي واحد :

الرضا و التسليم و الصبر لين نحصد الثمار

من صبر ظفر

ما في شي ضايع

نبي نلقاه سواء بالدنيا او الاخرة

اكتب ذا الكلام الان و ربي العالم اني في أشد ايامي و ظروف سواد و ضيق

صكت علي الدنيا من كل جهة لدرجة ما صرت اشوف و لا عاد أميز من وين تجيني الضربات و الله المستعان

يا ربنا ماني من الهم جزعان ..... و ما كان مكتوب على العبد يجري

اسأل الله العظيم ان يرزقنا لذة الصبر و برد الرضا و حلاوة اليقين و جميع المسلمين

آمين

و يوم تقول لو شي عضوي كان اهون

انت ما تدري وش الأصلح و الأهون لك

ربك ارحم الراحمين يعلم ان هذي الابتلاءات اللي تعانيها الان اهون عليك من الابتلاءات الأخرى اللي يعلم سبحانه انك لا يمكن أن تطيقها حتى لو كانت عضوية

لأنه يعلم بك و بمستوى قدراتك ما راح يكلفك ما لا تطيق ما خلقنا عشان يعذبنا و فوق ذا هو ارحم الراحمين سبحانه

و على فكرة دايم ادع بذي الدعوة :

يارب اختار لي و لا تخيرني

حتى ما يجي الشيطان و يقلك لو ربك اختار لك المرض العضوي او كذا كان اهون

خيرة رب العالمين ما مثلها

اهلا أختي كيف حالك وحال القطط تبعك

حياك الرحمن اختي صامدة الحمدلله بخير دامكم بخير

تسأل عنك العافية يارب

انت كيف حالك و كيف الاولاد يارب تكونون دوم بخير

الحمد لله عزيزتي
الحمد لله على كل حال

منوره عيون
نصايحك ياعيون والمثاليات حطيها بجيبك
انا مابي نصايح ابي حل
لأن كلامك مكرر ومعيود ترا لو بتكلم عن ربي كلام قوي لاني زعلان زعلان منه كثير انا ماعندي مثاليات وربي يعلم بحالي
بس والله زمان كنت اقول كلام مش كويس بعدين ادبني ربي مثلا كنت مسافر وانفجر كفر سياره على لاني قبلها كنت اسب الذات الالهيه فادبني ربي فعرفت انه مايصلح تقول كلام لأن ربك بيربيك
انا احب ربي حبيبي بس ابيه يساعدني ابيه يكون عون لي يعلم الله قاعد اسوي اشياء ودعاء مستمر ان يجعلني متماسك وكذا بس ماشوف نتيجه وهذا أكثر شي يزعلني

لو تشوفها مثاليات و ما هي حل بصرك كلن بعقله يعيش

لكن انا اشوفها حل و حل عملي حتى ترتاح



قوة الاعتقاد هي اللي تحرك الجيوش لخوض أعتى المعارك و أشرسها في سبيل الله..

الاعتقاد و اليقين هو اللي يقود السلوك بل يقود الحياة..

التوكل على الله لوحده يزرع فيك اقدام و عزيمة ما كنت تقدر تتحرك خطوة بدونه..

اسأل الله الكريم أن ينفعنا جميعا بما علمنا و يبصرنا بما غفلنا عنه

و جميع المسلمين

آمين

نص يومي يروح بالعمل الحركة تخفف من اكتئابي
الزواج مخرج يا صبري شوف البنات المسلمات لهم سنين حافظين الامانه هذا دليل على تفوقهم حتى في الاختبار الالهي و لو فتح الله عليك وقدرت تعدل عدد
https://www.albetaqa.site/data/alwar...-rqaeq187c.jpg

عارف ياخوي عمر لاكن هل في احد يقبل بشخص مصاب باكتئاب وانت تعرف الناس الطبيعيه تبغا شخص حيوي وطلعات وووو وانا الي يحكمني مزاجي موانا احكمه

عيون اعتذرلك وقتها كنت منفعل كلامك صحيح بس انا لاوصلت لمرحله الرضا راح اكون راضي بكل شي ودايم ادعي ربي يارب اجعلني اشوف ايه (ولسوف يعطيك ربك فترضى) تنطبق على هالايام شغال دعاء رغم الظروف المتعبه ابي اشوف إعجاز الدعاء بأنه يغير الاقدار والحال
يارب يغير احوالنا الي احسن الأحوال

شاركوني تفريغكم ليه ماتفرغون الي بقلبكم شكله قلوبكم خاليه ماتحتاج تفريغ 😇