أخ حسن الظن انا كمان من الطائف
متأكد انه وصلهم التعميم وان العمر 21 ؟
لأنو أمس اتصلت على المحافظة وقالي ما وصلنا شي
ومتى قالك نروح نقدم ؟
يوم الأحد ينفع؟

لا ماينفع لازم تقدمي جديدة
انتي من فين ؟
خطيبك مولود ولا مقيم ؟
كم عمرك؟

انا كمان معاملتي حفظت
وقدمت استثناء و بس مشيت من الامارة للمحافظة
ولها اكثر من اسبوع في المحافظة معرف يعني
مع القرار الجديد حيمشوها ولا تنرفض تاني
ونضطر نقدم من جديد !! DCQWDDDCQWDD

انا من جدة و انا الطرف السعودي وعمري 21
وخطيبي مقيم عمرو 26

شوفي الي سمعته أن الاستثناءات بتنرفض يمكن عشان القرار الجديد
انتي خطيبك مولود هنا ؟

طيب احنا كدا مستوفين الشروط الجديدة :(

ايوا مولود هنا :(

تالية حبيبتي اضيفيني اذا عندك بي بي
555DDC5F

انا من جده و خطيبي مولود عمري 29 :)

اضيفيني على البي بي
555DDC5F

طال انتظاري بشري معاملتك راحت المحكمة حددتو يوم للعقد ولا بلقي ؟

خلاص أضفتك امسحي البن :)

ولاء ولاء اين انتي ؟؟؟

السلام عليكم ورحمة الله وبركاته
بصراحة اعتقد ان هنا المكان الوحيد الي يصير فيه نقاش حول هذا الموضوع , وكنت بقرا ردودكم من بعيد لبعيد واستفدت منكم جزاكم الله خير ,
انا حبيت اشارك هنا لان قريت رد من احد الاخوه الله يهديه ينكر خبر التعديل الي صاير في الامارة من ناحية العمر , والثاني يقفلها في وجه غيره ويقول انه ماينفع تقدم مرة ثانية اذا حفظت , فيا اخوان الله يخليكم قولو خير او اسكتو , لا تفتو من رؤوسكم , الواحد او الوحده يدخل هنا ونفسيته نوعاً ما محطمه وماهو ناقص يقرا شيء يحطمه زياده , اذا ماحتفيدو احد فلا تحطكموا غيركم , اذا معاملة ماتسهلت لك وتبني رأيك على هذا الشيء ففي غيرك ممكن مايواجه الي واجهته وتتسهل اموره , لا تحطموهم ,
انا صاحبي يشتغل في امارة جدة وبلغني انه جاهم تعديل العمر إلى 21 سنة يوم الاحد او الاثنين الماضي ,
قبل امس كنت في شرطة محافظة جدة ( النسيم ) في الدور الثالث في قسم الزواج , قالولي ان ماجاهم اي شي من ناحية العمر , واحد منهم قالي سمعنا ان في تعديلات حتصير في الامارة من ناحية العمر , قلتله صديقي يشتغل في الامارة وقالي ان القرار جاهم , قالي خلاص استنى كم اسبوع عشان يوصلنا القرار ,
اتصلت على صاحبي الي في الامارة وقلتله في الشرطة ماجاهم اي تعديل في العمر , قالي شيء طبيعي , اليوم القرار وصلنا , بعد فترة إن شاءالله يوصلهم ,
اتصلت عالشرطة امس وبالقوة ردو , ونفس الشيء مافي شي تغير , ححاول معهم إن شاءالله الاحد الجاي ,
على العموم انا راح اقدم معاملتي بعد رمضان إن شاءالله عشان بنت الحلال - الطرف السعودي - راح تكمل 21 سنة بعد رمضان إن شاءالله ,
والله يسهلها لنا اجمعين , وعليكم بالصدقة للمحتاجين , خصوصاً الي يجمعو العلب وعمال النظافة , حاولو تفرحوهم لجل الله يفرحكم بالموافقة .

اعطيني البن حقك
جهازي معلق

بالنسبه للشرطه مدري عنهم وصلهم التعميم ولا لا بس بالنسبة للمحافظة اليوم كلمت الرجال وقالي خلاص مبروك وصل التعميم اليوم
وبعدين اصلا ماتوصل للشرطه قبل المحافظة التعميم يجي من الامارة للمحافظة والمحافظة تعمم على الباقي

اهلا عزيزتي
شكرا على السؤال
انا معاملتي ما زالت بالداخلية واليوم خالي راجع وقالوا له باذن الله الاسيوع الجاي ينهوها
انا ما اعرف هي باي قسم لانه خالي هو يلي متابعها
فانشاء الله يكون خير الاسبوع الجاي يارب
الله يسهل علينا امورنا والله خلاص شي مرة متعب
انا لها شهرين دحين بالداخلية فانشاء الله خير
متفائلة انه التاخير دا رح يطلع نتيجة باذن الله