|
وينكم يا اخوان .. ساعدوني , لاني تعبت ,, عطوني حل .. عطوني اسامي ادوية تخليني انسان ما افكر وما اقلق .
|
ايش الادوية اللي جربتها و مانفعت معاك غير السبرالكس..
|
ما جربت غير السيبرالكس
كل الادوية تعمل بنفس الطريقة ... مجرد شركات تنافسية تروّج لمنتجاتها على حسابنا .. ونحن لنا الله من كثر الاحباط بنجرب اي شي على امل الشفاء . الله المستعان . |
حمل كتاب
دع القلق وابدأ الحياة الؤلف ديل كارنيجي اقراه انا توي بدأت فيه شكله ممتاز كثر من إنا لله وإنا إليه راجعون اللهم اجرني في مصيبتي واخلف لي خيراً منها قولها من قلب واتذلل واتباكى وانتا تقولها وكمان لا إله إلا أنت سبحانك اني كنت من الظالمين واهم شي لا تيأس من رحمة الله لا تيأس لا تيأس اعطي نفسك لو نقطة امل والله يشفيك ويشفيني ويشفي كل مسلم |
اقتباس:
اخوي لا تيأس لابد من ان الدواء المناسب ينتظرك في مكان ما فقط تحتاج للصبر..و الصبر ثم المزيد من الصبر.. مو كل الادوية تنفع لكل الناس ..لكن السبرالكس من الادوية الناجحة و سريعة الفعالية..اطلب من الدكتور يزيد الجرعة الى 20..و بعد عدة اسابيع ان لم ينفع حاول من جديد ان تخبر الطبيب بجميع الاعراض التي لديك بأدق التفاصيل حتى يصل الى العلاج الامثل في حالتك..فهناك البروزاك الذي ينفع في حالات الاكتئاب التي يصاحبها وسواس قهري و اللوسترال المفيد في اضطرابات القلق المختلفة و الريميرون الذي يساعد على الحالات التي يصاحبها الارق.. لكن نصيحتي لك ألا تغير السبرالكس حتى تجرب اعلى جرعة وعطها وقتها.. |
كل الادوية تعمل بنفس الطريقة ... انا ودي بدوا فوري يحسسني بامل يحسسني بانه لي هدف من الحياه .. لاني تعبت ... لمدة اربع سنوات وانا اعاني من الاكتئاب والتفكير الدائم وما لجات للطب النفسي لاني ما كنت مقتنع .. ولما لجات للطب النفسي والتزمت بالدواء لمدة شهرين تقريبا ما لقيت اي تحسن بل العكس الاكتئاب والقلق صار اكبر من قبل !
وين كنت ووين صرت ,, والله قبل كنت شخصية واطلع واضحك وافرفش ,, فجاة تنقلب حياتي ليش ؟؟؟ شو السبب ؟؟؟ ودي اعرف السبب من حقي !!! ياخي التفكير اتعبني عقلي اتعبني ونفسيتي زفتة .. اصدقائي تركوني اهلي ملوا مني .. انا مليت من نفسي ... ما بقى شيء بهالدنيا . زواج غاسل ايدي , لاني نكدي وصعب اي شخص يرضيني فليش اظلم بنت الناس .. |
باين عليك شخصيتك قلقه جداً
حمل كتاب دع القلق وابدأ الحياة الؤلف ديل كارنيجي اقراه انا توي بدأت فيه شكله ممتاز كثر من إنا لله وإنا إليه راجعون اللهم اجرني في مصيبتي واخلف لي خيراً منها قولها من قلب واتذلل واتباكى وانتا تقولها وكمان لا إله إلا أنت سبحانك اني كنت من الظالمين واهم شي لا تيأس من رحمة الله لا تيأس لا تيأس اعطي نفسك لو نقطة امل والله يشفيك ويشفيني ويشفي كل مسلم اهم شي فوض امرك لله بقللللب 1- فكر في مرضك وخاصة اكتر شي مضايقك 2- قول من قللللب أوكلت الله وحده شفائي وجميع القارئين والمسلمين 3- ألح في الدعاء وصلي قيام الليل وداوم عالاستغفار لا تنسى الدعاء اللهم اني عبدك ابن عبدك ابن امتك ناصيتي بيدك ماضٍ في حكمك عدلٌ في قضائك أسألك بكل اسم هو لك سميت به نفسك او انزلته في كتابك او علمته احداً من خلقك أو استأثرت به في علم الغيب عندك ان تجعل القرآن العظيم ربيع قلبي ونور صدري وجلاء همي وذهاب حزني توكلت على الحي الذي لا يموت الحمدلله الذي لم يتخذ ولداً ولم يكن له شريك في الملك ولم يكن له وليٌ من الذل وكبره تكبيراً واخيراً دائما خلي شباك الامل مفتوح لو انقفل حتتدمر انا مثلا كنت مقصر مررررررره مع الله صح اني حاليا مره تعبان لكن اصبر نفسي ب(( الحمدلله لو ما مرضت ما كنت قربت من الله )) لا تنسى الله ما يرد يدينك صفرا الا يجي يوم ويستجيب سيبك من الادوية وقوي ارادتك احسن من 600 دواء الله يشفي الجميع |
اقتباس:
الادوية النفسية فعالة حسب الكثير من التجارب العلمية الموثقة..المشكلة في ايجاد الدواء الاصلح لكل شخص .. اقترح عليك تجربة اما الافكسور او الريميرون فهي ادوية مختلفة قليلا عن السبرالكس ..فعالة و سريعة (قد يظهر مفعولها في اسبوعين) و كدواء مساعد اقترح على طبيبك الفلونكسول و هو دواء محسن للمزاج مساعد لمضادات الاكتئاب قد يظهر مفعوله خلال ايام.. |
للاسف بدا الياس وفقدان الامل يوصل حتى للصلاة وذكر الله .
استغفر الله . |
اقتباس:
بالنسبة لي مب مهم اعيش مستانس ,, اريد اعيش بدون تفكير فقط لا غير .. تعبت من التفكير .. ارهاااااااااااق |
اقتباس:
نفد صبري والله ,,, ودي بشي مؤقت على الاقل يكون مفعولة سريع ,, حتى لو يسبب الادمان مستعد ادمن عليه طول عمري دام انه بيريحني .. . ما عجبني الدكتور اللي رحت له ,, ما عطاني حقي من الوقت في اخر مرة رحت له .. افكر اغيره .. |
اقتباس:
|
اقتباس:
الحقيقه اقولك شي تركت لوسترال يومين قلت بصير اقوى من المرض لاكن تعبت تعب كبير توتر وقلق مو طبيعي وخذتها ورجعت يمكن انا ضلمت الدوا هو صراحه خلاني اطلللللع من البيت حتا اهلي يقولون انت احسن بس تعرف الانسان عجوووول يعني ابي في فتره اقل من شهرين اكون نفس الناس الطبيعين وهذامستحيل انا اقترح عليك ياعزيزي تجرب اللوسترال وابشرك كثيييير يمدحونه والاهم انه يفيدك \\ |
اقتباس:
زي ما قلت لك اقترح عليك ان تسأل الطبيب عن الريميرون و الافكسور لأنهما و السبرالكس من اسرع الادوية مفعولا..و لا تنسى الفلونكسول الذي قد يخفف من حالتك في غصون عدة ايام.. |
اسعد الله ايامك اخي كيف الحال
يظهر من حالتك كما ذكر الاخوان من النوع القلق لكن ياخوي بخصوص السبرالكس انا استخدمه من حوالي سنتين وانا اعيش حاله نفسيه مستقره ومتفائله لم امر بها طوال حياتي حتى قبل ان اصاب بالاكتئاب استخدمت قبله دواء اسمه سيمبالتا لكن لم يعطي نتائج قويه اللي مستغربه منك الجرعه اللي تتناولها 10 او 15 رغم شدة الاكتئاب عندك انا بديت ب 20 ثم رفعت الى 30 جم وبعدها استقرت حالتي وبعد سنه بديت التخفيض الآن انا اتناول 10 جم نصيحتي لك تجرب دواء داعم للسبرالكس وهو دواء بسيط جدا وتقدر تستغني عنه في اي وقت بدون تدرج اسمه فلوناكسول اخيرا اقولك ان الادويه النفسيه مفيده ولاتيأس منها ولكن قد تعاني حتى تجد الوصفه المفيده لك لكن حاول تدعم الدواء بالتفاؤل في الحياه وان كل مشكله في الدنيا لها حل مهما طال الزمن تحياتي ،،، |
العضو بدر عبدالعزيز كتب رد عن دوا عشبي يمدحه خذ فكره عنه
8 8 وجرب العلاج العشبي هذا وبأذن الله راح تدعيلي حشيشة القلب 300 + مود ايد ( 3 مرات في اليوم) واقسم بالله ماكنت اسولف مع احد والاخلاق خربانه والنفسيه في الحضيض ومن جربت الدواء وانا بخير بعد الله سبحانه هذا رده عندي لك راي ياكيف الحال اشرايك ترفع الجرعه ل20 وتستمر عليها فتره لان هي الجرعه الممتازه بصراحه قاعد افكر اني ارجع للسبراليكس واستمر عليه بس محتاار لو جينا للجد الوضع صعب ومتازم والمرض النفسي يدمر الانسان اقسم بالله من خلال تجربه والادويه لاهي تشفي ممكن تحسن لاكن شفاء ماتوقع |
اخوي منتضر الفرحه لا تحطم الرجال
اخوي كيف الحال انا تعالجت وشفيت تماما من الاكتئاب بفضل الله ثم العلاج النفسي مافي شي اسمه الحبوب النفسيه ما تعالج الا تعالج لدرجة الشفاء التام باذن الله بشرط انك تحصل العلاج المناسب لك وتستمر عليه لفتره طويله |
اقتباس:
الدوا اللي ذكرتيه " فلوناكسول" يحتاج وصفة طبية ؟؟؟ وشكرا |
اقتباس:
انا ودي ارفع الجرعه لكن المشكلة انه عندي 50 حبة الين تاريخ 4 نوفمبر وبعدها عندي موعد مع الصيدلية يعطوني الوصفة من جديد لمدة شهر اي 50 حبة جديدة من سيبرالكس لانه موعدي مع الدكتور بتاريخ 4 ديسمبر ,,, لازم اشوفه عشان يغير الوصفة الى حبتين والسستم هني كريه وطويل واخاف ما اقدر اشوفه .. لكن شكلي من باجر بتوكل وببتدي جرعة 20 واذا دعت الحاجة بروح لدكتور خاص . الادوية العشبية انت جربتها ؟ ولها مضار ؟ |
اقتباس:
والله اتمنى كلامج يكون صح ,, انا قبل ما ابدا اخذ الدوا كان عندي امل كبييييييييييير انه حالتي تتحسن ,, لاني كنت اعاني 4 سنين من الاكتئاب وما لجات للطب النفسي لعدم قناعتي لكن لما استفحل الموضوع وصرت خلااااص جيم اوفر لجات للطب النفسي لكن ما استفدت مع اني مواظب على الدوا واحاول اصارع نفسي باني اطلع واختلط مع الناس بس ما فادني ابدا ,,, بالعكس حالتي اسوء حاليا مقارنة بقبل ما اخذ السيبرالكس ,, مادري الخلل وين فيني ولا في الدوا ولا وين بالضبط ؟؟ انا الحين ما اعاني بس من اكتئاب صرت صعب اخالط الناس , صار عندي رهاب اجتماعي ,, كانت عندي مقابلة عشان اتوظف نصحني الدكتور اخذ قبل المقابلة بساعة لكسوتانيل 6 واندرال 10 والحمد لله توفقت . حاليا لقيت شغل في مدينة ثانية وهذا اهم شي لاني ودي اسكن بروحي ,, اهلي قطعوني بنظراتهم وكلامهم , مب مرتاح معاهم للاسف مع اني بار فيهم مب حبا فيهم بس مخافة الله . ماعرف كيف بشتغل وكيف بخالط الناس وكيف بقدر اركز الله المستعان بس خايف خوف مب طبيعي احس وهقت نفسي ,, لكن مقهور ما اقدر ابقى بالبيت ما ارضى احد يشوفني بنظرات اهانة او عدم قيمة . انا اسف تكلمت كثير لكن ودي افضفض ,, انا 24 ساعة سايلنت . يا اخوان هل فيها شي لو رفعت الجرعة الى 20 بدون مشاورة الطبيب ؟؟؟ |
اقدر اضيف لوسترال مع سيبرالكس ؟؟؟
|
بديت بجرعة 20 من اليوم ,, واسال الله الشفاء لي ولكم .
|
للمهتمين بموضوع الوزن ...
زاد وزني 3 كجم من بداية استخدامي للدواء اي في خلال شهر و 20 يوم تقريبا . البوتمبه كيف الحال |
هلا فيك اخوي
عادي فضفض خذ راحتك كلنا نحتاج نخفف من ضيقة المرض اذكر اخر نوبة اكتئاب جاتني كنت حتى كاس الماء ما اشربه منهاره تماما وبس ابكي هالسالفه قبل اتعالج وهي اللي اجبرتني اروح للطبيب النفسي قبل ما كنت مقتنعه فيه بس سبحان الله وعسى ان تكرهو شيئا وهو خير لكم اخوي انا مستغربه من الدكتور انه كتب لك السبراليكس وانت معاك اكتئاب بس وهالعلاج بالمقام الاول يعالج المخاوف يعني متخصص بحالات القلق اكثر من الاكتئاب وفيه علاجات اقوى منه للاكتئاب مثل ريميرون بس عيبه انه يزيد الوزن كثير لانه يفتح الشهيه انا كنت استخدم السبراليكس من بعد رمضان وجدا تعبني وما استفدت منه ومن يومين وقفته وبديت بعلاج لوسترال ومن اول حبه من اللوسترال ارتحت انا ابي اعالج الرهاب اما الاكتئاب من زمان ولى وراح الحمدلله اعذرني طولت بالسوالف بس فكر بكلامي بانك تغير العلاج |
الاخ منتظر الفرحة يقول استخدم لوسترال وفاده وفجاة قرر يغيره لانه ما حس بنتيجة بعد ما استمر عليه والاخت بنت الجوري تمدح سيبرالكس وعقب تقول ما استفادت وغيرته الى لوسترال .
يعني الزبدة محد مرتاح مع اي دواء ورحلة التغيير مستمرة من دون توقف وتجارب ما راح توقف . شهرين على الدواء وما استفدت ادنى استفادة بالعكس حالتي اسوء من قبل للاسف والحمد لله على كل شيء هذا تقدير ربي وانا راضي به بس التعب اللي فيني زاد وخلاص ما اقدر على شيء . كان عندي امل بالدوا لكن بعد ما جربته وعطيته اكثر من الوقت اللازم ما شفت اي نتيجة وللاسف تجارب الاعضاء هني ابدا مب مبشرة وفي النت بشكل عام . كلام خرطي ضيعت شهرين عالفاضي وحطيت املي بشيء وما جاب نتيجة وحاليا اسوء من قبل استخدامي للدواء . |
اضيف انه 20 سيبرالكس سوى لي امساك شديد لكذا يوم وبعدها رجعت للجرعة المنصوحة من دكتوري الى 15 مب عشان الامساك بس على اساس كلن يعرف شغله اكثر بالتالي بتقيد بتعليمات الدكتور ولو اني فاقد الامل وافكر اترك الدوا بشكل جدي وما راح احطي امل في دوا ثاني واستمر كذا اسبوع وبعدها يجيني الاحباط من جديد بعدم فعالية هالدوا الجديد مثل كل الاعضاء اللي هنيه.
الله المستعان بس . |
ياحبيب قلبي انت جربت دواء واحد ومتضجر شلون الي جرب 10 ادويه
اذا ماناسبك السيبر اليكس تقدر تغيره انا لوسترال فادني خلاني هادي لاكن ماحس شال الاكتئاب والرهاب يعني مو التحسن الي ابيه الحين رجعت للفافرين لان هذا اخر دوا صرفه لي الدكتور واعراضه الجانبيه خفيفه خصوصا اذا اناخذ قبل النوم تحسب ان مبسوط اني اخذ ادويه لا والله بس وش نسوي لما نتركها ترجع الاعراض دبل وتحس الحياه سوده وووووو على الاقل الدوا يخفف الاعراض شنسوي هذا مكتوب لنا مو احنا جبناه لنفسنا الحمدلله على كل حال يارب يكون رفعه درجات لنا بس انا اقولك خل بالك وسيع الادويه تاخذ وقت على مايطلع مفعولها عندك بدائل كثيره عندك فافرين وتراه ممتاز للوساوس والتفكير عندك لوسترال بروزاك صل صلاه استخاره وشف وش يوجهك ربي امنيتي ان كل مريض نفسيا يتشافا حتا يعيش حياته مرتاح |
شباب أنا جربت دوجماتيل ميزته يخليك مسترخي استمريت 3 أسابيع حسيت نفسي معاد فيه ضيقة وكره للحياة بعد ما تركته رجع كل شيء مثل ما كان
هل أستطيع أن أستمر على الدوجماتيل طول حياتي |
طبعا هو يخليك بس مسترخي إذا كان عندك اكتئاب حقيقي ما أتوقع أنه سيكون هذا العلاج كافي
وعموما الدواء فادني بنسبة 30 % هو بس فادني في الاسترخاء أما الأشياء الثانية فما أتوقع إنه فادني ضعف التركيز ما فادني لكن يجب أن لا أنكر فائد الدواء |
نبغى علاج حقيقي لأصل المشكلة ما نبغى مهدئات
|
شباب أنا عندي رأي أبغى أطرحه أنا أشوف إن أغلب إلى ما تعالجوا بالأدوية النفسية ما عندهم مرض الاكتئاب
ربما يكون عسر مزاج لكن أرى أن مرضهم هو القلق وليس الاكتئاب عموما القلق يسبب عسر المزاج وكره الحياة وضعف التركيز وأحيانا اضطرابات هضمية ....... |
عبدالله الدقماتيل قصدك العلاج الي سعره 20 ريال تقريبا ؟؟
صراحه انا اخذه حبه صبح وحبه ليل يوم سمعت انه يهدي القلق بس ماحسيت باي فايده منه وزي ماقلت مانبي مهدئات نبي علاج للمشكله |
نعم دوجماتيل الي سعره 21 ريال اتوقع انه دواء ضعيف أنا ما حسيت بالفرق الا لما تركته مع إن تشخيص مرضي قلق عام مرافق للاكتئاب
على العموم الطب النفسي طب بحثي لعله في السنوات القادمة يأتي لنا بعلاج أكثر نجاحا |
منتضر الفرحة أنا فادني الدوجماتيل من ناحية واحدة إنه فيه أفكارفي مخي غبية وأفكر في كل شيء ما أدري ما أقدر اوصفلك اياه أفكار متطايرة ميزة هذا الدواء إنه خلصني منها وأول ما تركته رجعت
وهذي الأفكار تسببلي اكتئاب وعدم راجة فأنا أعتقد أن الدواء فادني من هذي الناحية لكن هو لا يعالج المشكلة من أصلها |
على العموم يجب أن أعترف بفائدة هذه الأدوية لكن هي لا تعطيك علاج كامل إنما علاج مساعد وبالنسبة لنظرية السيروتونين فأتوقع انه لا بد البحث عن غير هذه النظرية
وأتمنى فقط أن يخترعو علاج لضعف التركيز وبالنسبة للأفكار الي في مخي فأنا نا أقدر أسيطر عليها إلا إذا أخذت هذا الدواء |
اخوي منتظر الفرحة انت تستخدم اي دوا جديد لمدة اسبوعين وتقول ما ناسبك يعني تجاربك صعب الواحد ياخذ بها .
انا الحين شهرين على سيبرالكس وحالتي اسوء ,, يعني ابدل الدوا الحالي الى دوا يديد وانتظر شهر على الاقل عشان احكم والله السالفة طويلة وعويصة لكن للاسف ما باليد حيلة (: وخلني اقولك شي ,, انت لو شفت فايدة من اي دوا وحسيت انه هو مفتاح الفرج وخلاص راح تستمر عليه طول العمر ,, جسمك بعد فترة بيتعود عليه وما بينفعك وغصبا عنك بتغيره الى دوا يديد . الاكتئاب المزمن ما اعتقد الادوية تعالجه ,, اما اللي يمر بمرحلة مؤقته واكتئاب وقتي ممكن يفيده .. لكن انا صار لي 4 سنين وغيري اكثر مع الاكتئاب والقلق والحياة التعيسة . صبر جميل وبالله المستعان |
اخوي اذا انت عانيت من الاكتئاب اربع سنين انا عانيت منه سبع سنين ويمكن اكثر والحمدلله تعالجت وتشافيت وتركت العلاج من زمان
كلامكم كله احباط وتشاؤم العلاج النفسي يحتاج وقت الين تبين نتائجه وكل ما طولت باستخدامه تزيد النتايج وترتاح اكثر واكثر |
مب متشائم , لو اني متشائم ما كان بقيت على السيبرالكس شهرين عشان اتاكد من النتيجة ,, لكن حالتي اسوء من قبل استخدام الدواء .
ومن خلال قراءتي في الانترنت وخاصة المنتديات الاجنية لاحظت من تجارب كثيرين انه الادوية النفسية مجرد تجارب يا تصيب يا تخيب وان صابت بعد فترة طويلة الجسم يبتدي يتاقلم مع الدوا ويصبح كانه شي عادي وما يعود له اي تاثير ويضطر انه يبدل لشيء ثاني وهلم جرا في دوامة وعز الله طلع منها . انا ما ابغي احبطكم بكلامي , لكن ما احب حد يستغلني واحس الادوية النفسية استغلال لحالة المريض وضعفه . انا ادري ما في علاج سريع او سحري لكن بنفس الوقت لا نلعب على عقولنا ونوهم امالنا بشيء ما راح يفيدنا وعلى حساب صحتنا . وجهة نظري انه افضل حل للمصاب بالاكتئاب المزمن انه يتاقلم مع حالته يعني يصارع نفسه او ينسحب بطرق استراتيجية يعني يجد حل سلمي مع نفسه بحيث يتاقلم مع حالته بافضل طريقة هو يشوفها مناسبة له . الله يشافيكم كلكم . |
مستمر على سيبرالكس حبة ونص وما لاحظت تحسن معه .
لكن حاليا متاقلم مع حالتي ووضعي واحاول بكل جهد اني اعيش حياة طبيعية ... مثل ما قلت من قبل صعب انك تصارع عقلك فالافضل الانسحاب والتعايش مع طبيعتك ,, يعني تعايش مع الاكتئاب (: احس نفسي احسن على الصعيد النفسي ,, الحمد لله ,, وابدا الدوا ما كان له اي دور فالتحسن اللي وصلت له ... صحيح اعاني من اكتئاب وتنتابني الوسواس على مدار الساعة ,,, لكن احاول اتاقلم . أتمنى استمر على نفس الاسلوب .. وشكلي بترك الدوا. |
ترى الدواء لع علاقة في مسألة القلق والتفكير وإذا بتبطله بطله وخذ دوجماتيل سعر20 تقريبا هو مضاد للقلق
|
| الساعة الآن 01:21 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا