الف الحمدالله ع سلامتك عمووووووووووور وربي اني دخلت عشانك ابي اشوف وش صار معك اتذكر انك قلت لي بتسويها بعد شهرين يلا اهم شي تطمنا عليك وصرت بخير

ورود البنفسج : انا الان صار لي شهرين تقريبا من يوم سويت العملية . الحمدلله الاحمرار راااااح وفتكيت منه والعرق راح بعد ولله الحمد .

كان في عرق تعويضي في ارجولي بس الحمدلله خف بنسبة خمسة وسبعين بالمية والحين احس اني صج مرتاح ولما اتكلم بالجامعة قدام الدكتورة او صارت العيون مركزه علي مايحمر وجهي بس احس بحرارة خفيفة جدا لاتكاد تذكر .

بس ما اخفيكم اني اشعر بخوف داخلي.

المهم ان النتيجة مرضية لي الحين ما افكر اني اخاف من اسألة الدكاترة او من العيون اللي تخزني بالمحاضرة مو مثل قبل ( اعوذبالله ) الله لايعيدها من ايام .

وابشركم الحين قاعد ابني شقة عشان اتزوج لاني تخلصت من عقدة الاحمرار ولله الحمد .

ولكن اعيد واكرر ان الخوف مازال معي لكن اهم شيء واكبر عقبة تخطيتها ان احمرار الوجه وعرقة راااح بلا رجعة .

تقبلوا تحياتي

طيب كم كلفتك العمليه ؟؟

اربع الاف وخمس مئة دولار

لاحد يسوي العمليه الله يشفي كل مريض بس ماعتقد الرهاب يوصلك انه تسوي عمليه

يعني كم بالسعودي

يعني 16 الف ريال

والله ياخوي زورق . انا الحين بالكلية لما يصير علي تركيز بالقاعة من الطلبه او الدكاترة مايحمر وجهي ولا يعرق مثل اول لان اول لما يحمر وجهي الناس تطالع لي بأستغراب كبير جدا ويتعاطفون معي الحين ماكو حمار ولا حتى حرارة بالوجه ولا عرق . لكن لا اخفيكم سرا انه لدي خوف داخلي من المحال ان احد يلاحظة . ولله الحمد اني الى الان لم انتكس والشفاء كما يقول الدكتور انه ابدي بأذن الله

في الحقيقة اني كنت اتوقع ان تكون نتيجة العملية انها تقضي على الخوف تماما . لكن انا لست طماعا لان العملية قضت على الحرارة في الوجه والاحمرار والعرق اثناء المواقف وهذا بحد ذاته رائع جدا بالنسبة لي بل اني احمد الله على ذلك كثيرا وانا اعتبر نفسي من المحظوظين.

ربنا يتمم شفاك أخى الكريم ...وينتهى الخوف تمامًا

نوفا اختي الكريمة .

شكرا لكي وعلى دعائك.

مشكور اخوي وربي يتمم لك على خير
طيب سؤال هل الخوف عندك من قبل ولا جا نتيجه للعمليه


ربي يسعدك دوما وابدا

الله يهديك وش قاعد اقول من اليوم انا من قبل العملية بخمشة عشر عاما معي رهاب ( يعني خوف مع احمرار وجه مع عرق بالوجه ) راح الاحمرار وراح معه العرق وحرارة الوجه وبقى معي الخوف اللي اهو اصلا معي من قبل العملية يعني راحوا ربعه واهو لالحين ماراح .

مشكووووووور ماقصررررت

طيب بما انك جربت ولك مده بعد العمليه ابي نصيحتك الله يوفقك اسوي العمليه ولا لا

يعني حياتك فرقت كثير قبل وبعد العمليه


وهل هي عن طريق الليزر او كيييف ؟


عندي سؤال يمكن تقول ملقوف هههه
ودي اعرف قلت لاهلك لاصدقائك
ولا ماحد درى

سوووووري ع الازعاااج ربي يسعدك دنيا واخره

اخي زورق انت لم تقرء موضوعي والدليل انك قلت لي هل بالليز .

يا اخي انا قلت عملية جراحية ( جراحية عن طريق تدبيس العصبين الايمن والايسر بالدبابيس ).

انا العملية جابت معي نتيجة خمسين بالمية لانها ازاحت الاحمرار والعرق بالوجه وحرارة الوجه .

انا كان عندك احمرار وعرق بالوجه مع حرارة بالوجه اثناء المواقف ستفيدك العملية لانها تقضي على هذه المظاهر اما الخوف الداخلي موجود .

اما اذا تبي تسويها انت حر انا لا اقول لك اعملها ولا اقول لك لاتعملها انا اقول عن نفسي فقط انا استفدت من العملية لكن يبقى الخوف داخل صدري يتراقص .

اما اني هل قلت لاهلي او لا طبعا لم اخبر احد ابدا فقط السر في صدري ولا اطلع عليه اي مخلوق على كوكب الارض بأستثناء الطبيب وطاقمه التمريضي

ملك الرهاب
مابي اقول ملك الارهاب ( اسمك يخوف ^ـ^)

الحمدلله على سلامتك
و الف لا بأس عليك ..
و الله يشفيك .. و تتعافى ..


موفق

ونين بالنسبة للعملية لو رجع بي الزمن للوراء لقمت بأجراها ولو بعشر الاف دينار . لانها فتحت لي افاق لم اكن احلم بها . يكفي ان انظار الناس عندما تنظر الي لاتتعجب لانه لايوجد احمرار ولا عرق لانهم يضنون ان هذا طبعي لان الخوف دليله الاحمرار والعرق

ربي يسعدك دوووووووووما
ويحفظك ويحقق لك كل ماتتمنى

بعد مروح ثلاث شهور م اجراء العملية

النتيج هي : ذهاب الاحمرار والعرق لكن الخوف مازال موجود للاسف ولكن يصعب على الناس ملاحظتة الا انه يبقى مؤذي بالنسبة لي .

مشكورة اختي اطرائج لي اختي ريم انا بخير والعملية مثل ماسبق وقلت دمرت الاحمرار وقضت عليه ومعه العرق لكن يبقى الخوف يعشعش في صدري يا اختي الكريمة .

الحمدلله على كل حال

يامعوده جيت على راسي سقطت هههههههههههههههه بس زين طلعت الثالث من بين عشره

المهم خلينا من هذا كله ..... قبل يومين كان عندي برزنتيشن ( البرزنتيشن هو شرح باللغة الانجليزي امام مجموعة من الطالبات والطلاب ).....ودكتورتنا امريكية شديدة الجمال بشكل اسطوري لايصدق .... المهم نادت على اسمي وكان هذا اول مره اشرح فيها برزنتيشن امام المليء والحمدلله ماحمر وجهي ولا حرارة ولا عرق بس ربكة خفيفة لم يلاحظها احد اخذت تسعة ونص من عشره وطلعت الثاني وكلهم قالوا ماشاء الله عليك عندك لغة وطلعت الاول في بحثي لان تكلمت عن موضوع شائك ومتشعب واسهبت فيه مع لغة سليمة .

تصدقين الحين قاعد اتشجع لان نوبة الاحمرار الجنونية ماجتني

ريم انتي شنو منه تعانين

الحمدلله على سلامتك اخوي ملك

من خلال كلامك فهمت انه العمليه ما تصلح لي لانه الحمدلله ماعندي تعرق ولا احمرار

اللي تعبني وعذبني الخوف تجيني نوبات فجأه عند الناس وارتبك واذا سولف معي احد وقت نوبة الخوف امشي الكلام بس اقول ايه ايه واسكت ويبين علي واحس ابي اطلع من المكان بعدها احس بالفشل واكره نفسي
الحمدلله على كل حال

ملك الرهاب ممكن تتنازلي عن الاسم انت الحين ماعندك رهاب

انا الي رايح فيه .

ووعدك لحافظ على هذا المنصب لين الله يفرجها .

وسوالي هل كان عندك قبل العمليه رعشه عند الوقوف امام الجمهور

وهل زالة بعد اجراء العمليه.

تكف انا في انتظار ردك .

واتمنا انك تقول كانت عندي وبعد اجراء العماليه اختفت . والله لسويه لو 100الف

وتقبل فايق احترامي

سهم / اسمعني الله يحييك ويبقيك لعين(ن) ترجيك .

انا بعد العملية تحسنت بنسبة خمسين بالمية ولو يرجع فيني الزمن اسوي العملية دون تردد . انا قبل صلاص شهور وشوي سويت العملية وقبل اسبوعين كان عندي برزنتيشن بالكلية ( البرزنتيشن اختبار قدام الناس عن طريق الكلام والشرح )..المهم ماطول عليك يالحبيب :
نادت على اسمي الدكتورة : وقمت قدام بالفصل وحطيت لوحتي وشرحت للدكتور والطلاب ماصار معي احمرار ولا صار معي عرق بالوجه وماصار معي ضربات قلب بس كان معي ربكة خفيفةحتى الناس اقسم لك بالله محد لاحظها وطلعت الاول بالفصل في هذا الاختبار . انا طلعت من عقب الاختبار مرتاح نفسيا لاني اشوف اني افضل من ايام ماقبل العملية لاني في ايام ماقبل العملية كان وجهي يصب عرق بشكل جنوني ويشتعل نار كأن في وجهي حريقة عياذا بالله وقلبي يضرب لدرجة احس اني ابموت .

لكن اعيد واكرر ياخوي ترا انا الى الان معاي خوف لكن الخوف قل ولله الحمد بشكل خفيف بس الاحمرار والعرق راح نهائيا وضربات القلب معي خفيفة جدا .

بس شوف طال عمرك : ترا العملية في ناس ماتضبط معهم وفي ناس تضبط معهم وانا واحد من الناس اللي اضبطت العملية في اقتلاع الاحمرار والعرق وخخفت من ضربات القلب بشكل كبير وخخفت من الخوف الداخلي بشكل خفيف والربكة الخارجية لاعضاء الجسم مثل الشفايف والصوت خف بشكل كبير جدا .

يعني العملية مفيده وانا راضي عنها . صحيح اني ماشتافيت نهائيا لان اصلا الخوف معشعش في مخي ويمكن مع الوقت يزول لان السبب الرئيسي الا وهو الاحمرار .

انا ملك الرهاب الان اعتبر نفسي لست ملكا للرهاب بل اعتبر نفسي ( رهيبي صغير ) والله وناخوك لو تشوفني ايام ما قبل العملية تلوع كبدك لان وجهي عبارة عن بركان ثائر .

اعيد واكرر يكفي هذي النتيجة الطيبة ( بالنسبة لي ) ويكفي ان الاحمرار والعرق راحوا وضربات القلب خفت .

واذا تبي تسوي العملية انت حر بس لازم تعرف ان ماكو نتيجة اسمعا مية بالمية شيلها من مخك بس في شيء اسمه تحسن للافضل .

ملك انا ابي اعرف تكف

كان يصيبك رعشه في المواقف الرهابيه قبل العمليه

نعم رجفة قوية جدا جدا جدا مع عرق بالوجه غزير بشكل كبير جدا وكأن نهر يتدفق من وجهي مع احمرار شديد لدرجة الغليان وضربات قلب تهزني هزا عنيفا قويا لامثيل له ورجفة بالكلام كأني احتضر .

الحمد لله فرحت لك كثيرا يا اخي

ولكن هل زالت الرجفة تماما ؟

وهل كانت لديك رجفة في الوجه او برودة في الاطراف عند التوتر ؟


وفقك الله

يا اخي الخوف مازال معي في داخلي مع ضربات قلب لكن ارى انها خفت عن السابق اما الاحمرار والعرق بالوجه ذهب بلا عوده