|
اقتباس:
|
الأخت مستكفة الله يجزاك خير على بر امك عندي مجموعة نصائح اتمنى تهتمي فيها
انا لي قريبة توفيت وكانت كبيرة في السن تنام كثير وكنا نوديها للمستشفى عشان موضوع النوم تقول للدكتور انام كثير يضحك يقلها السن له احكام وبعدين كان عندها هشاشة عظام ونقص حاد في فيتامين د + نقص حاد في الغدة الدرقية او كسل الغدة وتوفيت بسبب خطأ من طبيب عليه من الله ما يتحق رجاء ضروري تعملي لوالدتك فحص الغدة الدرقية وفيتامين د ونسبة الكالسيوم في الدم وتحليل الكلا وظائف الكلا الكثير من الاطباء للأسف يتساهلوا مع كبير السن ويفسرون بعض الامور على انها كبر سن في الوقت الي من المعروف ان المرأة بعد الاربعين يتوقف عندها كالسيوم واذا ماتعرضت للشمس نقص فيتامين د + ضروري جدا اذا تاخذ ادوية ضغط ضروري تشرب موية كثير لان اذا اخذت دواء ضغط وماتشرب موية يسبب لها فشل كلوي لان الدواء يجهد الكلى بدون وجود سوائل ضروري تشرب مع مدرات البول الي هو دواء الضغط لتر ونص موية فياليوم الى لترين والله من الي شفته مع قريبتي صرت دكتور الله يرحمها ويرزقك بر والدتك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ |
شفيق والحبايب الي مدمنين دخان
نصيحة اقسم بالله العظيم اعرف واحد جاته جلطة بسبب الدخان واصبح مقعد فترة وبعدين بدأ يتحرك ولله الحمد لكن الجلطة كان ممكن تؤدي لوفاته والمصيبة انه يوم قام رجع يدخن المشكلة انه ممكن ماتكون وفاة يكون اقعاد او شلل او غيره حاول تخفف ادري انه صعب توقفها فجأة ضروري تخفف آسف تطفلت عليكم سامحوني بس من حرص والله انا ماني بعيد عنكم مكتئب ورهابي بس الحمد لله ماادخن |
انا من قوه مزاجي نااااااازل حتا مو قادر اسولف مع احد
ليما يتحسن المزاج سيرت عليكم تراني حتا انا ادخن مع اني كنت تاركه من 4 سنين بس بسبب الظروف النفسيه السيئه الي مريتها رجعت له ماراح اترك نفسي بجرب دواء ليما القا العلاج المناسب انا انسان لي حق اعيش مثلي مثل غيري موفقين حبايبي |
صباح الخير على الكل
شفيق يحدثكم من البيت قمت اليوم الصبح اساعة 8 جلست ادخن ثم لبست ثوب والى العمل طبعا يا عامل جب لي اثنين جبن واحد شاهي واحد موية العامل طيب انت دايم قرقر زيدة افطرت ثم جلست اسولف شوي ثم جاني عمل طباعة خطابات للعمل لاني انا الي اطبع للعمل المعاملات جلست في بوفيه العمل ادخن بعدين اف اف نسيت ما اخذت العلاج شوي شوي اسحب نفسك ياولد محد شايفني وانحاش من العمل على البيت وجيتكم يا حلوين الي مصلح كاس شاهي يرفع اصبعه واحد واحد بدور ما نبي مشاغبات محدثكم محمد من قلب البيت |
اقتباس:
اعرف والله انك ما تقصر بيض الله وجهك ما يجي منم قصور يالنشامي صدقني لو قدر الله وجيت الاردن اول شي اسوي راح اجيك ولو عشانا جبن وزيتون اهم شي عندي انا نتعرف على الوجه الطيب النشمي الله يزوجك الزوجة الطيبة الطاهرة التي تسعدك |
اخوي منتظر
نصحية سولف ترا كلنا اخوانك واخواتك واذا على المزاج والله يا منتظر اني اكتب واحاول اضحك ثم اروح حوش البيت اقعد افكر في حالي ودمعتي على خدي امسحها ثم اجي اكتب واسولف ثم اروح للحوش وهذي حالتي شف انا عندك وشف اخوي ابومصعب يكتب ويسولف معي واهو عنده مصائب مب عندك |
اقتباس:
أقل واجب ممكن أهبه لأمي هو برها .. الله يسعدك أشكرك يا أخي على إنسانيتك وعطائك و بذلك الكلمة الطيبة من قلب طاهر الله يجزاك كل الخير و يحقق لك كل ما تتمناه أمي أنا ماني ساكتة عليها سويت لها تحاليل وفحوصات ومتابعة معها إبرة أبرة ما تخرج الدكتور إلا أنا معها هي عندها الغدة الدرقية كسلانة و بتاخذ علاجها و عندها الضغط وانا الحمدلله دايما حاطه قارورة مويه جنب راسها و دايما اذكرها بشربها كمان فيتامين د ناقص جبت لها مكمل غذائي فيه كل الفيتامينات و أكلها الحمدلله صحي و هي امرأة ترى ماشية على حمية طول عمرها محافظة على نفسها بالنسبة لكبارالسن عدد ساعات النوم عندهم تقل بالعكس مو تزيد الزيادة معناها خلل في الصحة الله رحمها يا أبو الحور و يبارك في عمرك و صحتك و عافيتك كل الشكر لك أتمنى أن لا تبخل علي بأي نصيحة تود قولها لي أو لغيري فمثلك قليل بهذا الزمان احترامي لك أخي الفاضل |
اقتباس:
|
اقتباس:
بالنسبة للزواج هناك عدة اسباب اولا ان وضعي خطير في العمل ممكن انفصل من العمل بسبب غيابي المتكرر ثاني الزواج عندنا في السعودية مكلف جدا ثالثا الزوجة تريد حنان واحتواء وحب او سوف تبحث عنه وانا كما تعرف مصاب بالاكتئاب رابعا الابناء من سوف يهتم به من حيث التربية والعناية والدراسة وتامين سكن ملك لهم والسكن عندنا في السعودية توفر منزل يعتبر من سابع المستحيلات حيث البيوت عندنا في السعودية حاليا اقل سعر يصل الى مليون ونصف كل هذي الاسباب توقف عملية زواجي حاليا |
هلا باخوي الحبيب نعم وان شاء نتقابل على المحبة
بالنسبة للزواج هناك عدة اسباب اولا ان وضعي خطير في العمل ممكن انفصل من العمل بسبب غيابي المتكرر ثاني الزواج عندنا في السعودية مكلف جدا ثالثا الزوجة تريد حنان واحتواء وحب او سوف تبحث عنه وانا كما تعرف مصاب بالاكتئاب رابعا الابناء من سوف يهتم به من حيث التربية والعناية والدراسة وتامين سكن ملك لهم والسكن عندنا في السعودية توفر منزل يعتبر من سابع المستحيلات حيث البيوت عندنا في السعودية حاليا اقل سعر يصل الى مليون ونصف كل هذي الاسباب توقف عملية زواجي حاليا تخيل يابومصعب انك لا تخرج من البيت الا بالغصب من سيذهب بالزوجة للمستشفى اذا مرضت ومن سيذهب بالابناء للمدراس والمستشفيات والمناسبات من سيوفر لهم لقمة العيش لو تعرضت للفصل وهذا امر وارد جدا كذلك من سوف يقوم بتحملي اثناء الانتكاسات المرضية سوف يكون بيتي جحيم للزوجة والابناء انا لا اريد هذا الشي اذا كنت حاليا لا اجد من يقف معي سواء دمعات امي فقط غير الافكار الانتحارية التي تراودني حاليا ابوصعب انت تومون على الرقبة بالعكس سوالك جميل جعلنا اخرج ما فيني من هم |
اخوي ابومصعب ادخل على اسمي في مواضيع موضوع اسمه اه يادنيا
هي قصة مرضي |
اقتباس:
|
الله محي اصلك ياطيب
بالنسبة للزواج لا يشغل بالي بشكل جدي نعم اتحسر على عمري لكن ليس هو الاهم بالنسبة لي حاليا اما الافكار الانتحارية نعم والله كل يوم افكر فيها كنت اخي الكريم ماشي في خط الرقية وقراءة القران والصلاة لمدة ثلاث سنين نعم لم اتحسن كثير لكن كان هناك امل احس فيه لكن بعد تناول العلاج النفسي لا استفيد من الرقية وكلام الشيخ الي قال لك ان الادوية النفسية تتعارض مع الادوية صحيح مية المية وانا مجرب الشي هذا لكن ما تناولت العلاج النفسي وقعت في ورطة ما بعدها ورطه خاصة ان لا استطيع ان اتركها وهذا سبب الافكار الانتحارية ليس الاكتئاب فقط انما العنصر الاساسي هو تذكر ايام الرقية والقران وان لا استطيع ان استفيد من الرقية كما كنت فتلاشي املي فيي الشفا نعم تلاشي لاني مصاب بسحر وعين ولست مصاب بالاكتئاب لكن واحد الله لا يوفقه قال انت ما فيك الا مرض نفسي اكتئاب وانا صدقته وهذي خامس سنة والله المستعان اخوي العزيز اذا تريد تعرف قصتي ادخل على اسمي ثم اختار موضوع اه يادنيا ما توقعتك كذا |
على طاري الزواج اليوم وانا اسوق بالسيارة خطرت فكرة الزواج على بالي وهاتك وساوس وافكار شيطانية وتخيّل أحداث ماساوية كالخيانة الخ .. استعذت بالله وقلت لا ابوك لا ابو الزواج وش لي بعوار الراس .
يومي كان سيء جدا جدا والله ما ودي اغثكم كافي اللي فيكم . الله يشفيك ويعافيك ياخوي شفيق |
هههههه الله يسعدك صار مسلسل خيانة وانت لسى ما تزوجت
تعوذ من الشيطان واعرس لا امصع اذنك |
اليوم رحت كرفت دوام من الساعة سبعة الصباح الى الظهر الساعة وحدة رجعت البيت من شدة الارهاق دخلت شيكت على نفساني و نمت الى العصر و من الساعة خمسة الى الساعة سبعة و انا في الطوارئ ما بين محلول و ثلاث ابر وابرة اختبار الحساسية اللي تحت الجلد أجاركم الله من حرارة مادتها و جهاز الاوكسجين خرجت وانا دايخة على الصيدلية ثم على البيت تعشيت واخذت الأدوية و دخلت عليكم أعطيكم نشرة أخباري المأساوية هههههههههه الحمدلله على كل حال أحس النفسية لاعبة في صحتي بتضعف مناعتي أقل زعل أسخن و أمرض و أترمي بالمستشفى الله المستعان ..
الطريف الممرضة حقت الطوارئ لما شافتني ضحكت زي اللي تقول لي انت كل بعد كم يوم هنا بس الحمدلله ما بربرت ولا كان حطيت حرتي فيها ههههههههه الحمدلله كله بأجره |
اقتباس:
أنا ماقيد شفت شخص يفيض حنان و عنده قدرة على الاحتواء و العطاء في الحب قد المكتئب لأنه بيحاول يعوض نفسه بالشي اللي يعطيه لغيره ليسعده فيسعد نفسه مو كل العائلات يا شفيق تحب الفشخرة في عوائل تبي تسترعلى بناتها بأقل التكاليف و مو لازم بيت ملك يا سيدي أغلبنا مأجر واللي ترضى بك و بأوضاعك و متقبلة وضعية شغلك يا مرحبا بها و اللي مو عاجبها في مليون غيرها بس المهم تكون واضح و صريح و ماتخبي شي الشفافية حلوة و الوضوح في هالمسائل و صدقني بنت الأصول المتربية اللي تبي تعف نفسها و تبغاك كرجل لذاتك راح تعينك على شغلك و على نفسك .. أنت بس قول يارب ربي راح ييسر لك أمرك دامك طالب إكمال دينك و تبي الحلال و تكوين أسرة تذكره و تسجد له تعالى .. ماهي اعذار مو كل من تزوج بكامل صحته الجسدية و النفسية ولا كل من تزوج عاش في قصر و دفع ألوف مألفة المهم اعقد النية وعلى نياتكم ترزقون إلا وربك حيعوضك زي ما أخذ منك بيعطيك .. قول يارب مانت عارف فين الخير |
شفيق يوم يدب إحساس الأبوة في نفسك و يبدأ قلبك يدق مع كل كلمة بابا راح تتغير
الاكتئاب ماهو مرض أبدي هو مرض نفسي ما أظن يوم تشوف خلفك بين يديك يحملون اسمك و يحسسوك بقيمة ذلك يقبلوا يدينك و يكبروا عشان يسندوك و زوجتك جنبك حضن دافيء و مأوي من قسوة البشر و رفيقة دربك راح تبقى على نفس ما انت عليه الآن نحن كلنا في حاجة إلى التغيير إلى الانتقالة السليمة الصحيحة بعضنا الكثير بحاجة ماسة إلى ذلك أن يمتلئ عاطفيًا لا أن يمتلئ بالدواء و ينام و ينعزل ليستمر على حاله .... قسم بالله لو انك اخويه لخطبت لك من بكره و بكيفك قول خذوه فغلوه راح تدرك اني سويت هذه الخطوة مخافة من الله فيك اقتباس:
إذا بكت من الفرحة وقتها تضوأ بهالدموع و لازم تؤمن بأنك راح تكسب رضاها وتريح قلبها و قد تكون دعوة واحدة منها وقتها تزيح عنك كل مافيك لا تستهين بدعوة الأم و قلبها لما يرضى عليك كون لها فرحة لا كسرة إياك يا شفيق نفسي أفرح لك كل ما ينقصك الثقة بالله أولا ثم في نفسك ترى نص الشعب مكتئب و الشعب تزوج يا شفيق وعاش لا تكون انت بالذات ماخذ الاكتئاب شماعة .. |
راح أنام شكلي بأحلم إني أخطب لك يا شفيق هههههههههه
الله يسعد الجميع و يسخر للكل الخير و الصالح تصبحون على سلام و أمان و دفء |
اليوم تغيبت عن الدوام بسبب النفسية السيئة .
بداية سيئة ليوم جديد بس الله كريم يهون الجرح الاليم . |
اقتباس:
ليش رحتي للمستشفى وش فيك اما الممرضة هههههههه مسكينة |
اقتباس:
ادري والله ان الزواج مودة ورحمة بس انا حساس ما ودي اخذ بنت والبنات حساسات ورقة واعذب بنت الناس تصدقين اختي ان حساس جدا ودمعتي قريبة دايم واعرف ان بنات السعودية من احسن بنات العالم في الوقوف مع ازواجهم والله من كثر من شفت من العذاب ما ودي احد ابدا يشوف او يتعذب معي ودي اخبرك شي تصدقين ان اخواتي هم اقرب الناس لي بعد امي ودايم واقفين معي وحنونات رغم انهم متزوجات وعندهم بيوت لكن دايم واقفين معي بالكلام الحلو واحساسهم ورقتهم بعكس اخواني انت تعرفين ان الرجال جافين مرة والمكتئب حساس ودايم يبحث عن حضن دافى يحس فيه وهذا لقيته في اخواتي الله يخليهم لي دايم اذا خف على الاكتئاب اخواتي يسحبوني غصب عني معهم للسوق او حديقة غصب عني ويقولون اذا ما رحت معنا نزعل منك ونروح انا وامي واخواتي مطاعم واخواتي هم اصدقاء انتي بنت وتعرفين ان البنات ما يتكلمون الا مع بعض تصدقين اخواتي بالعكس دايم ان وهم نسولف حتى سوالف البنات نسولف معهم مثل يقولون شفت البلوز هذي مناسب لي وانا وياهم هذا ما يصلح وهذا يصلح وكيف مكياجهم يعني ما يخبون علي شي بعكس اذا كان في الجلسة احد من اخواني يكون كلام عادي ومن يروح اخواني يبدون في سوالف البنات وانا معهم |
اليوم الاحد
صحيت الساعة عشرة اروح للدوام ولا ما اروح ونهاية ما رحت الله يستر بكرة من المدير افطرت وكلت علاجي وصلح كفي ودخان والرموت وعلى قناة الجزيرة بعد شوي بغير على ام بي سي عشان اشوف برنامج صباح الخير يا عرب مع لجين عمران |
ما شاء الله أشوف اللي مزوغين من دواماتهم صحيوا من النوم مالهم خلق يروحوا للعمل
قسم بالله رغم تنغيز الابر و كثرة الأدوية اللي مدري وش فيها ما نومتني الى الفجر مصحصحتني الا اني رحت داومت من جد احنا الحريم نكرف قسم بالله .. يا حليلنا بس : ( أبد يا خوي الجيوب الأنفية جدًا متهيجة عندي مسببة لي صداع شديد و كتمة و فقر الدم و نقص الحديد عندي كلهم كانوا مأثرين علي و الدكتور توصى فيا تمام بالأدوية : ( ربي يحفظك من كل سوء |
اقتباس:
رددت أذكار الصباح اللي تشرح الصدر و رحت داومت تحركت شوي كان تحسنت حالتك جلوسك في البيت مع الهم و الغم أمام جرحك و ألمك مارح يفيدك .. يالله بكرة بإذن الله تعوض هاليوم ربي يهونها عليك |
اقتباس:
ماشاء الله لاقوة إلا بالله ربي يحفظهم لك و لا يحرمكم من بعض شيء جميل والله طيب هالحلوات أخواتك كيف ساكتات عليك ما خطبوا لك وحدة زي لجين عمران ^.^ اي والله لا تقول لي ان لجين عمران هي سبب غيابك اعترف يا شفيقوه ههههههههههههههه على فكرة البنات الحساسات الرقيقات محتاجات لرجل حساس حنون مثلك ما يناسبهم الجلف ترى والاكتئاب يعطي وسامة للرجل من هدوئه و رزانته و حبه للبيت و العزلة و حنانه هذه وجهة نظري توكل ياخوي و الجلسة الجاية مع اخواتك افتح هالموضوع و تناقش معهم فيه انا متأكدة انهم بيفيدونك و حيغيروا تفكيرك .. |
انا مواصلة من امس بآخذ غفوة لعل الحمى تخف شوي
الحمدلله على الصحة و العافية كله طهور و بأجره |
هلا مستكفة
لاباس عليك اجر وعافيه ان شاء الله اسئل الله العظيم ان يشفيك اما مداومه وحالتك حاله اخاف ما تبين يخصمون عليك يا بخيلة ههههههههههههه نوم العوافي ارقدي ترا نوم الظالم عباده ههههههههههههههههههه |
اقتباس:
|
اقتباس:
اكتب في المنتدي ثم ادور في الحوش اكلم نفسي ثم ارجع واكتب وهكذا كل يوم مدري كيف ومتى تعود حالتي او تتحسن قليل ابدا اخي الغالي ليس عندي ايه هواية غير بعض الامور منها التخييم في البر والسفر للسياحة والسباحة ومشاهدة كرة القدم والبرامج السياسية الي فيها مضاربات مثل الاتجاه المعاكس |
اقتباس:
والله داومت بس اخرج من اللي انا فيه ابغى اتلهى و اضيع وقت برضو ما حتتهرب يا شفيقوه اعترف وش سر تغيبك ؟؟؟؟؟؟؟؟ بأزن عليك اليييييييييييييييين تجاوب |
العصر طلعت السوق , شربت كوفي قريت جريدة ,, رحت محل الكترونيات اطالع شو اليديد مع اني مب راعي تكنولوجيا لكن قلت اضيع وقت ... صليت المغرب والعشا بالمول وخذت لي عشا سفري وصلت البيت كلت والحين اكتب لكم .
|
كيف مهندس ومانت راعي تكنولوجيا ؟
عارف حتى لو من باب الاطلاع حلوة زيارتك لهالمحل .. بالهنا و االعافية عليك العشا .. ايش يعني عشا سفري ؟ أنا طبعا عشان مريضة بيجيني العشا لحد عندي دون عناء يا سلاااااااام جالسة أفكر كيف أستغل الوضع أكثر بس مو ساعفني التفكير ههههههههههه |
باركوا لي صرت برتبة ثلاثة نجوم ^.^
|
اقتباس:
الف سلامة ما تشوفين شر . |
ربي يسلمك ماتشوف شر
قول لي يا ناصر كيف كان يومك وانت جالس في البيت حاسس بفرق كونك مارحت الدوام ؟ |
لي يومين بهالوقت أحس بالملل بقسم الاكتئاب كأن الناس نيام
القسم بلا حراك هدووووووووووووووء |
اقتباس:
انت لم تخطئي اختي فهو قسم المكتئبين..والله المستعان..لكن لكتبي انك شفيتي وحتشوفي حيحصلك ايه ؟ههههه |
قسم الهادئين ربي يدفي قلوبهم و يريح نفوسهم ويجبر خواطرهم
خليني ساكتة أحسن يا ولافي هههههههههههههه سحبت كلامي و حرمت |
| الساعة الآن 12:49 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا