|
|
|
السلام عليكم و رحمة الله و بركاته
حياكم أخواني الكرام : ابو نجلا و محمد الأمين و الشاكر ربي يسعد جميع اوقاتكم و سلامتك ابو نجلا ما تشوف شر ، يمكن عشان تعتبر في مرحلة بداية تناول البرنتلكس ، طبيعي كل الادوية كذا في البداية بالنسبة للشاعر إدريس جماع رحمه الله لقيت له ذي الأبيات و أعجبتني أ على الجمال تغار منّا ؟ ماذا عليك إذا نـــظرنا .. هي نظرة تنسي الوقار و تسعد الروح المعنّى .. دنياي أنت و فرحتي .. و منى الفؤاد إذا تمنّى أنت السماء بدت لنا .. و استعصمت بالبعد عنّا هلا رحمت متيماً .. ؟ عصفت به الأشواق وهنّا وهفت به الذكري .. و طاف مع الدُجى مغناً فمغنا هزته منك محاسن غنّى بها لما تغنّى آنست فيك قداسة و لمست فيك اشراقاً و فنّا و نظرت في عينيك آفاقاً و أسراراً و معنى و سمعت سحرياً يذوب صداه في الأسماع لحنا نلت السعادة في الهوى و رشفتها دنّاً فدنّا .. فعلا سبحان الله إن من البيان لسحرا اقشعر بدني يوم قرأت : انت السماء بدت لنا و استعصمت بالبعد عنا و هذي الأبيات لها قصة ، و لكن نظرا لضعف عقله في آخر أيامه إن شاء الله ربي ما يواخذه اللي يبي القصة يبحث عنها |
و هذي طبيت فيها و أنا اتصفح أعجبتني بس مدري من له ؟
شاء الهوى أم شئت أنت فمضيت في صمت مضيت أم هز غصنك طائر غيري فطرت إليه طرت و تركتني شبحاً أمد إليك حبي أين رحت و غدوت كالمحموم لا أهذي بغير هواك أنت أجر .. أفر .. أتوه .. أهرب في الزحام يضيع صوت و اضيعتي أأنا تركتك تذهبين بكل صمت هذا أوانك يا دموعي فاظهري أين اختبأت فاذا غفوت لكي أراك فربما في الحلم جئت في دمعتي في آهتي في كل شيء عشت أنت رجع الربيع و فيه شوق للحياة و ما رجعت كوني كنجم الصبح قد صدق الوعود و ما صدقت أنا في انتظارك كل يوم ها هنا في كل وقت .. |
شكرا الاخت بسمة
اعجبتني القصيدة الاخيرة |
مساء الخير على الجميع
ابو نجلا يالله يابطل موعدك اليوم الله يكتب لك الشفاء والعافيه وتبشرنا بمزاج حلو وسعاده . طمنا عليك |
إلى أين أذهب؟ حتى أمي أصبحت تتذمر مني و من ابنتي بعد طلاقي ؛ هل سينتهي المطاف بي وحيدة ؟ هل سيحصل ما خفت منه عمري كله ؟ أشعر أنني منبوذة من الجميع ؛ خذلت من الجميع ؛ أين أجد الحب الحقيقي الذي لطالما بحثت عنه ؟
مصابي جليل و العزاء جميل ** و ضني بأن الله سوف يديل و حزن أقاسيه و ليل نجومه ** أرى كل شيء غيرهن يزول |
السلام عليكم و رحمة الله و بركاته
أختي أمل لا تزعلين من أمك ، تراها متضايقة و مقهورة مو منك و لا من بنتك ، هي مقهورة على اللي حصل لك ، تلقينها ما تنام الليل من الهم ، لأن كل أم تتمنى يكونون عيالها موفقين في بيوتهم و في أسعد حال ، و ينكسرن حبايبي من اللي يجرى لاولادهم و يطلع في صورة غضب ، و احنا نفكر إنهم متضايقين منا خاصة طلاق البنات عندهم الموت الأحمر نفس اللي حصل يوم طلبت الانفصال ، و قشيت عفشي صبيحة الجمعة بعد صلاة الاستخارة ، . تفاجأوا فيني و بقراري و من شدة التضييق من الجميع سامحهم الله ، هربت لبيت جدتي لأمي رحمها الله ، أحن وحدة علي بالكون ، و وقفت في وجيههم و قالت تراها بنتي مثل ماهي بنتكم و اللي ما فيه خير فراقه خير و إذا يبي ينقفل باب يبي ينفتح ألف باب ، و هي الوحيدة اللي تفهمتني و ايدتني في قرار الانفصال و جلست معها اخدمها برموش عيوني حتى توفت رحمها الله بعدها بمدة قصيرة إلى الآن قلبي يوجعني على فراقها ، تخيلي من فرط حنانها كانت تقبل يديني باستمرار ، مافي أحد حن علي كثرها غير أخوي مريض الفصام ربي يعافيه ، بس ذاك ما اقدر أثقل حبيبي عليه ، لو درا إني مريضة ينفجع علي و ممكن ما ينام الليل ، لذلك ما أقدر افضفض له الله يعافيه و يعافي كل مريض هو كمان فصامه من النوع الشديد اللي انتكاساته شديدة مع ميول انتحارية و تنويم و جلسات كهرباء يارب الطف بعبادك ما لنا غيرك يا الله و ما يهمك قلبي ترى في اهالي يعاملون بناتهم كأنهم جربانات فقط في بداية الطلاق لأنهم يكونون مصدومين لين يتأقلمون ، و الا هم تراهم موجوعين اكثر منا بس ما يبينون تدرين وحدة من زميلاتي هم ثلاث اخوات تطلقوا خلال سنتين و جابوا عيالهم و ابوهم ضعيف ربي يعافيه جاته جلطة من الهم ترى الطلاق الوالدين يشوفونه مصيبة و حنا نشوفه زوال هم و بداية حياة جديدة |
اقتباس:
جيت اليوم أفتش عن دراهم زابنها في مكان معين و ما لقيت الدراهم ما في البيت إلا أخوي و أكيد خذاها المشكلة له حدود ثلاث أسابيع ما شيف و أرسلت له رسايل ما رد عليها و إتصلت عليه ما يرد عسى خير يا رب على الأقل يطمني إنه موجود. الدراهم ملحوق عليها دايم نتسلف من بعض البرنتلكس الحين قضى و خايف ترجع الوساوس و التشاؤم و السوداويه عندي موعد للأمل بكرة أنا لازم أحصل على البرنتلكس و مالي إلا مستوصف إبن رشد النفسي إن شاء الله ألقاه عندهم |
مو مشكله ابو نجلا الله يكتب لك الخير .
توي اليوم شاريه برنتلكس من صيدلية النهدي اللي بالشارع الاول عند الشيراتون . |
لا يا زمن وش باقي أكثر ما خذيت
لا يا زمن ما يوم في عمري وفيت تركتني ما بين جرحك و الألم خلّيتني اصفق على كفوف الندم يا زمن يكفي .. و يكفي ما خذيت آه .. آه يا جرح يا جرحي كفى آه .. آه بعيونهم ضاع الوفا! منهو الذي فينا عطا و بلا ثمن؟ منهو الذي مثلي شكى جرح الزمن؟ يا صبر.. هدّيتني و ما عاد فيني احتمال يا قدر.. علمتني ان الوفا أصبح محال لا يا زمن.. دنيا القوي فيها حكم خان المباديء و القيم لو يدري ان الله وراه ما يوم في عمره ظلم منهو الذي فينا عطا و بلا ثمن؟ منهو الذي مثلي شكى جرح الزمن؟ https://www.youtube.com/watch?v=xpE20W-BckE |
اقتباس:
ليش ما صرفوه لك المركز غريبه صيدلية الهلال عندنا ما بينا إلا خطوتين عندهم برنتلكس قولي يآلله ألقاه في مستوصف إبن رشد النفسي بكرة بروح لهم كيف السواقه معك يلا ننتظر بسمه عيون متفائله تسوق بس متى ودنا نتجاكر و نسقط على بعض هههههههههههه |
الله يصبرك يا أمل حياة
أدعي ربي جل و علا يهون عليك و بإذن الله تتزوجين في القريب العاجل واحد يسترك و يستر إبنتك حاس بوجعك الله يكون بعونك بالله أدعوا لها يا أخوة بالزوج المصلح الذي تقر عينها به داومي بقول رب لا تذرني فردا و أنت خير الوارثين https://e.top4top.net/p_9262ouhq1.jpg |
المركز مافيه صيدليه ابو نجلاء يعطيك روشته بس .
والله السواقه زينه بس نظري ضعيف والبس نظاره وماغير اكبس بعويناتي قلت وشوله احوس نفسي ههههه سقت بس هذاك اليوم . يالله متى ودك اتجاكر معك ثم اصدمك وتتعور ركبتك الثانيه ونبحل بك عاد وش يفكنا منك ههههههههههه |
ما شا الله عليك بسمه طبيتي السور ههههههههههههه و أنا أقول من هو الحرامي أثره أنتي . عفوا كانت طلتك حلوة لإدريس جماع :)
|
أبو حميد يا مساء الخيرات
بشرنا من صحتك |
| الساعة الآن 05:38 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا