|
|
لا تقول كذا خالد مثل ما قال أبو نجلا عشان المرض في بدايته و لا يبي يفجعكم
الف سلامة عليه و ربي يعافيه و يتمم شفاءه الله على كل شئ قدير سبحانه ، كثير تعافوا ماشاء الله و عاشوا بعده عشرات السنين وحدة من جماعتنا توفى زوجها الله يرحمه و حزنت عليه حزن شديد و معروف الحزن الشديد يضعف المناعة و تنشط الخلايا السرطانية ، معروف كل اجسامنا فيها خلايا سرطانية سبحان الله تضعف و تنشط ، المراد أن السرطان انتشر في كثير من أجزاء جسمها كل فترة تشيل جزء و كان عندها منه اطفال صغار ، و شالت الرحم و الصدر و اجزاء من بعض الأجهزة الأخرى ، و كانت في عز شبابها ، و قالوا ما بتعيش ، و الان ماشاءالله تبارك الله لا قوة الا بالله مزوجة عيالها و صارت جدة ربي سبحانه على كل شئ قدير ، اذكر كل ما يشيلون منها جزء كانوا يقولون خلاص بتموت و الموت و الحياة بيده سبحانه ربي يحسن خاتمته و خواتيمنا و خواتيم جميع المسلمين هذا اهم شي و الا الاعمار مجرد ارقام |
مشكور اخوي عالي ومشكوره اختي بسمه
الله كريم الله يشافي الجميع وهو وحده القادر ان لله وان اليه راجعون |
سبحان الله.... يحي العظام وهي رميم.....
|
جاه القضاء من بعد شهر الصياما..... صافي الجبين بثاني العيد مدفون..... اللهم ارحم من فقدناهم في هذا العيد..... اللهم ارحم موتي المؤمنين والمؤمنات يارب.....
|
لا حول ولا قوة الا بالله العلي العظيم..... اللهم شافي أبو خالد وعافيه يا رب.....
|
صباحكم أمل بالله يتجدد يضيء قلوبكم الجميلة 🌹
|
هلا وسهلا بالجميع
عيون ايه صاحبتي ووقفته قبل رمضان هو مايزيد الوزن ولا الشهيه بس تقول جاني تبلد لاحزن ولا فرح وغيرت دكتورها وعطاها برنتلكس وابتدت معاي بالضبط يعني تقريبا الحين شهرين ونص تقول اجمل مافي البرنتلكس هدوء الافكار وهذي صح انا اعيشها معد صار عندي حده بافكاري وردات فعلي نومي تحسن بس مايزيد عن ثمان ساعات عصبيتي خفت كثير انتهى الخوف تماما . صرت اطلع واسوق عادي . صحيح احيانا يجيني ارق بس ما اهتم له ابد . لكن برضو ارجع اقولك كل جسم يختلف عن الثاني . اما القلق انا ماجاني من ضمن الاعراض الحانبيه بالايام الاولى اللي جاني دوخه وغثيان ووهن بجسمي بس . الله يسخر لك الدواء اللي ينفعك ويناسبك يارب . ابو نجلا موجوده والله كنا بالبحر صدنا سمك وشوينا الجو حلو والسما قمرا .. بشرنا عنك . عبق الذكريات لاتحزن ولا تفكر اللي ربي كاتبه بيصير برك في والدك بيرفع عنك هموم الدنيا ومافيها انت بس قل يارب . الله يشفيه ويعافيه ولايوجعكم فيه |
اقتباس:
الغريب ان الدكتوره ماوصفته لي وانا هرموناتي بالاول قالت تمام وبالمراجعه الاخيره قالت مرتفعه مره من التفكير والقلق حسيتها مو فاهمه بس تمشي الحال وراح اقلل اكلي واحاول انه يمكن صحي مع اني ماااكل من برا كله طبخ بيت ومن يدي بس الشكوى لله بس تعرفي انا اتخوف من الادويه اخاف تسبب لي امراض لذلك كل ماخلصت علبه افرح وارتاح كمان بديت بالرياضه المشي نص ساعه كل يوم والله هو الشافي المعافي يارب اقتباس:
قادر ربي انه يشفيه باي لحظه بس انت لاتايئس من رحمة ربي وادعي له وتصدقو بنيه الشفاء الله اذا احب عبد ابتلاه وان شاء الله ابوك يتشافي وربي يخليه لك ويحفظه لكم يارب وماعليه لو خبى عنكم هم كذا الوالدين مايحبون يكدرو خاطر اولادهم ويشيلون همهم |
نسيت اصبح عليكم
صباح الخيييير |
صباح الخير
خاااالد الله يجبر مصابكم ويشفيه ويخليه لكم ما ازيد على الجميع بس حاب اقولك الوالدة مصابه بالسرطان والحمدالله تشافت يا خالد اصبر وفرج الله قريب ----------------------------------------------- الله يسعدكم جميع مشكورين على كل كلمة طيبة مباركة منكم اخواني واخواتي |
اقتباس:
وش هالحلم رحمتك تخيلت حلمك والغوريلات يعرّشون وياكلون بعض وانتي تتفرجي ب هلع😅 بس بنصحك نصيحة احلامك المخيفه لا تذكرينها لاحد عشان ماتقع .. تعوذي من الشيطان.. وانفثي عن يسارك هذي هي السنة.. و فيه حديث ان الرؤيا على رجل طائر ما لم تعبر، فإذا عبرت وقعت. ☹ اقتباس:
وانت راح بالك شي ثاني الله يشفي ابوك ويعافيه فكر الآن بعلاجه وبس وخلك معه وقريب منه لاتضيع اي لحظة والله الدنيا ذي قصيره مهما طالت ماتسوى شي الله يشفيه يارب عاجلا غير آجل ولا حول ولا قوة الا بالله |
ان تعاظم في نفسك شيء من شفاء ترجوه
فتذكر قول الله ( وماذلك على الله بعزيز) |
هلااااااااااا عيوووووووووووووون
ما تشوفين شر اعتقد ان الويلبترين مناسب لك لانه ما يسبب زيادة في الوزن انتي جربي كم شهر ما اعجبك وقفي العلاج طبعا تحت اشراف الدكتورة لخبطة الهرومانت متعبة جدا وانتي مب ناقصة الله يكون بعونك عيوووون والله اني لك ناصح اذا بديت في الرقية تكسبين عدة امور اولا يتعلق قلبك بشكل رهيب في الله ثانيا يطمئن قلبك بان الواحد الاحد لا يخيب عبدا ثالثا تحسين انك مجاهدة ولك لزمة بالدنيا كيف لا وهي كلام رب العالمين وكلام سيد المرسلين لذلك جاهدي نفسك وابدا بالرقية مب شرط كلها دفعة واحدة ابدا خطوة خطوة لين توصلين للبرنامج كامل انصحك بزيت الزيتون وماء زمزم شرب واستحمام عجيب |
السلام عليكم
هلا بكم جميعا صدقاني الأوفياء البدو يقولون ما مثل الصديق ؟ عندهم الصديق اي العضيد الملازم و هذي الكلمة عامة لكل من يصدق معك و يخلص لك و يعينك على نوائب الدهر ممكن الصديق عندهم ابن او اخ او عم او خال لكن احنا عندنا الصديق المفهوم العام و يكون نوع واحد كانت جدتي الله يرحمها يوم نجتمع عندها انا و بناتها تقول هلا بصدقاني حتى كلمة الصديق لاحظت عندهم انها تستخدم للجمع ، يوم تقول جدتي اليوم زارنا الصديق ، تقصد عيالها و بناتها مفرداتهم عذاب صراحة بعد ما راحوا الله يرحمهم الجفاف غيم على حياتنا حتى سلوكياتهم العاطفية تاخذ بالالباب ، طوال الوقت يعبرون عن مشاعرهم المتدفقة مثلا يوم اشوفهم يعبرون عن حبهم لعيالهم او اخواتهم او الصديقات و هم بنفس العمر يقبلون يدين و روس بعض في كل المواقف الانسانية ، مثلا في الفرح و الحزن مو بس عند اللقاء او الوداع ، نقاء مو طبيعي افتقده كثير ، ثم يقولون العرب جلوف ودي ارد عليكم في ردود مستقلة بس استفضت في كلمة صدقاني اللي يوم ذكرتها هزتني و اثارت شجوني تعبنا من الكبت اعوذ بالله نصيحة امشوا و عبروا عن مشاعركم لاهلكم و احبابكم تبون ترتاحون راجعة لكم بإذن الله و ربي يرزقكم جميعا من الخير كله عاجله و اجله ما علمتم منه و ما جهلتم و يفرج كروبكم و يحقق أمانيكم |
انتم جميعا
اعتبركم افضل اخوة واخوات في العالم الافتراضي 🌹 |
| الساعة الآن 09:20 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا