ولا أي شخص على وجه الأرض


هل انت مع ام ضد العطلة الأسبوعية تكون جمعة وسبت ؟ ولماذا ؟

والله قوية يامستكفة ..
لا مع ولا ضد زي بعضه واللي بيختلف الروتين
ليوم الجمعة بالنسبة لي .. لكن ودي ارسل لهم مسج
من مواطن بسيط .. دام دخلنا فيهم خليني استغلها فرصة ..
ياليت لو تناقشون مواضيع أهم ؟!



موضوع ودك تناقشين فيه مجلس الشورى ؟!

حدث ولا حرج بلاش فضايح ممكن أذكر حاجة بسيطة وهي غلاء المعيشة و ارتفاع أسعار السلع و الإيجارات و غيرها
في مقابل رواتب مو قد كدا و وظائف مافي .. في بلاوي كثيرة كثيرة جدا ودي أناقشها معهم



كيف هي طقوس نومك ؟ نعست هههههههههههههه

نومي متلخبط من بداية الاسبوع .. لكن ان شاء الله يتعدل

برامج تحبين تتابعينها ع التلفزيون ؟ لا تنامين .. قاومي

أحاول ^.^
انا ما أتابع غير أفلام الكرتون أو أفلام ديزني يعني لي كم قناة أحب أتفرج عليها حقت أطفال
أما برامج حقت الكبار مرة ما أحبها ولا أحب الجلسة أصلا قدام التلفزيون




لو أعطيتك قارب و قلت لك هيا أبحر لأي شاطئ تحب توصل و ايش بتاخذ في قاربك ؟

ياصعب سؤالك .. أقول لا تقاومين ولا شي ههههه
تصبحين على خير

صباح الخير والمطر

اصبحنا واصبح الملك لله الواحد القهار


اليوم الجو خيالي امطار وسحاب

يا زين الطلعه للبر

يالله ياشفيق اذا كان عندك هايلكس ولا جيب شغل ومرني بس اهم شي انك سواق انا عليمي هههههههه

يالله شفيق لاتهون عن طلعة البر

هلا بنت الظبي

والله الجو شي مب طبيعي ما شاء الله غيم ومطر بس البر يبي طلعه من الصبح وبعدين ما احب السواقة في المطر السيارات تزحلق وخذي حوادث

استمتع بالمطر في حوش البيت احس براحة عجيبة اذا امطرت من يوم مرضت وانا اذا جاء المطر سبحان الله اتحسن بشكل كبيرة وتتحسن نفسيتي

------------------------

هلا عبدالله يالله حي الغالي

والله المواتر وش كثرها عندنا جيب سفاري يحبه قلبي مجهز بس وين الهمه اخوك عجاز تقول بطه حدي حوش البيت مع اني افرح كثير بالمطر

وتخبر انت عندنا في الرياض الحين بعد صلاة الجمعة على ذا الجو كل المناطق زحمة مرة مثل الثمامة والتنهات وروضة خريم تلاقيها الحين فل من الناس

عشان كذا خذ كاس شاهي واجلس في حوش البيت واتامل الدنيا

صدقني لو اني بخير كان مريتك وخذتك معي والله يا عبدالله انك رجال ونعم فيك وفي العتبان كلهم عندنا جارنا عتيبي والله ما شفت منه الا كل خير وعلوم رجال كفو شرواك

صباح اللهجة النجدية الحلوة
احلى شي لما ننفعل تبان اللهجات الدفينة هههههههههههه
عندي زميلة لي جاتنا من عنيزة ست كبيرة حبوبة الله يسعدها لما تتكلم معايا لازم اركز بكلامها
احس نصه ماني فاهمته مره داخل في بعضه يعني لو كلمة كلمة كان معليش يمكن استوعب
المشكلة اوقات تسألني أسئلة و انحرج مدري اقول ايوه ولا لأ في الآونة الأخيرة صارت تضحك تقول مانتي فاهمتني يا خلود ادري ههههههههه

ربي يسعد الجميع و صبحية مباركة للكل
جمعتكم خير و ذكر

ابو عابد ايش يعني عليمي ؟

عليمي يامستكفه معناها (( غشيم )) يعني ماهو متمكن من الشي ، وعلى فكره انا تعجبني اللهجة الحجازيه اذا سمعتها من الصغار والنساء ( وأتمنى ما تفهموني غلط ) لكن من الرجال مره ثقيلة علي هههههههه