خويا الحلم السامي عيـــــــــــــــــــــــت اخويا مرض و الله بغيت نرجع كيف كنت

كنت بيخير اصحبي كنت انسان طموح مقبل على الحياة فرحان مستبشر خير بالمستقبل كنت متصالح مع نفسي الى حد كبير كنت كانضحك مع الناس كنت عايش بيخير اش وقع ليا فهاد الشهور الاخيرة

و الله اخويا الى ماعرفت اشنو نقول مرة كانقول يارب غادي نصبر او مرة كانضعاف


ماكرهتش ندير شي كسيدة او نفقد الذااكرة كاااع ههههههههه

عرفتو ممكن نتحمل اي حاجة فهاد الحياة الموت السرطان اي حاجة الا نحماق الله يستر

عرفتي اخويا كانكون مع العائلة او كاتجيني افكار ندير حركات غريبة او لا نضرب شي واحد او لا نقول شي كلام خايب او كانجي لبيتي او نسد عليا

واش هادي حياة كانفيق مخلوع او نعس مخلوع كانضحك مخلوع



الله بغفر ليا او صافي على هاد الكلام انا عارف فاش كانقول هادشي راه فحالة ماصبرت ما والو ولاكن الله المستعان اخويا


عندي امنية وحدة دابا هي يكون هادشي كلو غير حلم ونفيق منو هههههههههههههههه ماكرهتش ولاكن مستحيل

حاول بعدا بدل الافكار ديالك
كلهم سلبيين يارب السلامة
بغيت ندير كسيدة و نمرض بالسرطان
كيفاش باغي تبرا وانت داير فحال هكاا
صافي انسى انك مريض
و النجاح و الطموح ليس لهم علاقة فقط بالصحة
كاينين مراض و حسن من الصحاح
متبقاش تشكي بزاف و تتذمر وكل ساعة داخل هنا وخارج بدل الجو شوية
راه كلنا مراض غي صابرين و صاااااافي
وانت شوف والديك و سير دوووزز ولا شوف شي حل متبقاش جالس تما كتنسى تبرا غي هكاك لابد من اسباب
و الحماق مغاديش تحماق كون كان الاختلال كيصطي كون تصطيت انا الاول
كنت كنخاف كثر منك
اوى جمع راسك شوية هههههههههههه

هههههههههههههههههههههه

الله يهديني او صافي

شكرا خويا الحلم السامي

من بين احسن المواضيع لي قريتهم راااااااااائع

http://nafsany.cc/vb/showthread.php?p=804352#post804352

السلام عليكم الله يشفي كل مريض ويفرج على كل مهموم ومظلوم وما تنساوش اخواننا في سوريا ما عالم بيهوم غير الله اما حنا مالقينا ما نديرو وراحنا نتقاتلو مع الاوهام والوساوس ولا كذبت .........

نعم اختي هل انا موجودة غادي نستمر ان شاء الله

و الله ما كذبتي اختي المغربية هههههههههههههههههه

الله يهدينا ويشافينا من هاد الأوهام ههههههههه

سلام ما فيا ميهضرههههه واكترية ملي كنكتب بالعربية ونلصق مهم عندي بزاف دهدرا دبا انت مبغتيشي تشوف ناس لي عندم نفس اعراض فحال ديالك قولتلك انا كنت فحالك واكتار منك ملي كنت كنمشي عند شي واحد كيقولي عقلي عدي نقول شي حاجة ماشي مزيانة ولا شي حركة انا خسني نهار كامل باش نعودلك على اعراض كاملين كل مرة عادي تجيك حاجة جديدة وانت كل مرة غدي تقول هدي صعيبة على لي فاتت وهدشي داحلام عادي حيت عقل باطن ديالنا كيصدق كلشي مكيفرقشي بين صح وغلط فحال الا وسواس د موت كتقول غندي نموت عقل كيسيفط اشارة نجسم ديالنا وكتبدا تحس دبيصاح باعراض دموت دوخة برودة في رجلين وزيد وزيد والا وسواس د حمق عوتني عقل كيسيفط اشارة وكتبد تحس بشي افكار وصور في عقلك وكيجك كلشي غريب حتى اسمك وانت كتخلع وكيجك لي كتقوللو اختلال آنية وهو عندو اسم اخور الا قريتي اعلي غدي ترتاح وخا اسم ديالو كيخلع تبدد الشخصية وغربة عن الواقع ومتقولشي لا كو غير جاني وسواس دموت حسن حيت كت قولتها ماشي سهلة انا جربتوم بجوج صعيبة ملي ملي كتموت مليون مرة في نهار وكتحس ببرودة في رجلي وف نفس وقت كتجيني عطسة وكنقول صافي عطسة دموت وعاد مكتبغيشي تخروجلي حمد الله وصافي كلشي صعيب متبقاشي تقول موت اقنع رسك بانك معديشي تحمق وغدي تشوف نتيجة وعاد خررررررروج فوجججججججج تخلط امع ناس وخا يجيك في بالك يقولك فين ماشي انت غدي تقول شي حاجة ولا شي حركة وغدي يقولو عليك حمق تعاند وصطام على قلبك وخرررررروج انا كنت الا شي واحد غير بظحك وقالي حامقة كنترون في عقلي وهي عادية غير طريقة د هدرة فحال مثلا كنقولو اشريت شي حاجة كتحماق هههه وانا من هدي كنت كنخاف وحمد لله كلشي كيفوت انا عندي شي ناس كنعونوم في فيس بوك على هدشي مكندخولشي نمنتدى وخا دائما مفتوح واي واحد ابغا ولا بغات تهدار معايا في مسن ولا فيسبوك هانية ونصيحة اخيرةةةة خرروووجج تسارة فوجووووو صيف ومغرب عندك فين تسارة مهم الله يشفي الجميععععععع يا رب

صباح الخير عيلكم

عاد فقت ليوم نعست مزيان الحمد لله او ماجاوني لا افكار لا والو عرفتو علاش لاحقاش لبارح ماخليت فين مشيت مع شي صحابي ههههههههه نسيت المرض ديالي


اختي لينة على سلامتنا اختي مني كتبتي هههههههههههه

كلامك كوووووووووووووووووووووولوووووووووووو على صاوب،عندك الحق فكولشي لي قلتيه


ذكرتي انه فاش كان كايقول ليك شي واحد واش نتي حمقة كايبقى فيك الحال ههههههههههههه حتى انا غير هادي يومين جات عندي الواليدة ديالي لبيتي او قالت ليا شوف هاد اللبسة ديال اختك جديدة،اختي الصغيرة او ماشفت لا لبسة لا والو او قلت ليه صافي زوينة زوينة هههههههههه كنت مشطون مع شي حاجة في الانترنيت او هي تقول ليا وا بقى مع هاد الانترنيت حتى يسطيك ههههههههههههههه وانا نتخلع او بقى فيا الحال ههههههههههههههههههههه



المهم اختي شكرا على داكشي لي كتبتي لانه في الحقيقة استفدت منو بزاااااااااااااااااااااف


شكرا مرة اخرى

او ماتبقايش تغبري علينا

خويا الطائر الحر

متبقاش تفكر فبحال هاد الحوايج أنا راه اكثر منك ايلا كنتي انت غير شهور باش بداك هاد شي انا راه سنوات

وحتى أنا بعد المرات كنقول صافي انا ماغاديش نبقى عاقل على راسي لدرجة أنني وليت شاك واش أنا فعلا عايش فعالم حقيقي ولا غير وهمي

هذا قدر من عند الله تعالى هو اللي مكتب علينا هاد شي قبل مانخرجوا لهاد الدنيا

حنا كلنا خوت نعاونوا بعضياتنا و ولابد من الصبر إيلا بغينا نخرجوا من هاد الدوامة

الحلم السامي - الوردة المغربية - هل أنا موجودة توحشتكم بزاف أ خوتي طمئنوني على حالكم

كلامك صحيح اخويا اسد الاطلس

قوليا بعدا فين غبرتي العفريت هههههههههه،او اش كاتعاود او كي بقيتي او واش مشيتي عن الطبيب او لا ؟

عاود لخوك :)

غير فدنيا أ خويا كيف خليتيني كيف باقي ولكن الحمد لله

للأسف خويا مامشيتش عند طبيب حيتاش دار سافروا أو نساوا ماخلوش ليا الفلوس باش نمشي عندو

معلش اخويا

شوف لبارح قريت واحد الموضوع في غاية الروعة غادي يفيدك بزاااااااااااااااااااااااااااااف ها هو دخل قراه اخويا

http://nafsany.cc/vb/showthread.php?p=804352#post804352