اخوي منتظر الفرحة انت تستخدم اي دوا جديد لمدة اسبوعين وتقول ما ناسبك يعني تجاربك صعب الواحد ياخذ بها .

انا الحين شهرين على سيبرالكس وحالتي اسوء ,, يعني ابدل الدوا الحالي الى دوا يديد وانتظر شهر على الاقل عشان احكم والله السالفة طويلة وعويصة لكن للاسف ما باليد حيلة (:

وخلني اقولك شي ,, انت لو شفت فايدة من اي دوا وحسيت انه هو مفتاح الفرج وخلاص راح تستمر عليه طول العمر ,, جسمك بعد فترة بيتعود عليه وما بينفعك وغصبا عنك بتغيره الى دوا يديد .


الاكتئاب المزمن ما اعتقد الادوية تعالجه ,, اما اللي يمر بمرحلة مؤقته واكتئاب وقتي ممكن يفيده .. لكن انا صار لي 4 سنين وغيري اكثر مع الاكتئاب والقلق والحياة التعيسة .


صبر جميل وبالله المستعان

اخوي اذا انت عانيت من الاكتئاب اربع سنين انا عانيت منه سبع سنين ويمكن اكثر والحمدلله تعالجت وتشافيت وتركت العلاج من زمان

كلامكم كله احباط وتشاؤم

العلاج النفسي يحتاج وقت الين تبين نتائجه وكل ما طولت باستخدامه تزيد النتايج وترتاح اكثر واكثر

مب متشائم , لو اني متشائم ما كان بقيت على السيبرالكس شهرين عشان اتاكد من النتيجة ,, لكن حالتي اسوء من قبل استخدام الدواء .

ومن خلال قراءتي في الانترنت وخاصة المنتديات الاجنية لاحظت من تجارب كثيرين انه الادوية النفسية مجرد تجارب يا تصيب يا تخيب وان صابت بعد فترة طويلة الجسم يبتدي يتاقلم مع الدوا ويصبح كانه شي عادي وما يعود له اي تاثير ويضطر انه يبدل لشيء ثاني وهلم جرا في دوامة وعز الله طلع منها .

انا ما ابغي احبطكم بكلامي , لكن ما احب حد يستغلني واحس الادوية النفسية استغلال لحالة المريض وضعفه .


انا ادري ما في علاج سريع او سحري لكن بنفس الوقت لا نلعب على عقولنا ونوهم امالنا بشيء ما راح يفيدنا وعلى حساب صحتنا .

وجهة نظري انه افضل حل للمصاب بالاكتئاب المزمن انه يتاقلم مع حالته يعني يصارع نفسه او ينسحب بطرق استراتيجية يعني يجد حل سلمي مع نفسه بحيث يتاقلم مع حالته بافضل طريقة هو يشوفها مناسبة له .


الله يشافيكم كلكم .

مستمر على سيبرالكس حبة ونص وما لاحظت تحسن معه .

لكن حاليا متاقلم مع حالتي ووضعي واحاول بكل جهد اني اعيش حياة طبيعية ... مثل ما قلت من قبل صعب انك تصارع عقلك فالافضل الانسحاب والتعايش مع طبيعتك ,, يعني تعايش مع الاكتئاب (:
احس نفسي احسن على الصعيد النفسي ,, الحمد لله ,, وابدا الدوا ما كان له اي دور فالتحسن اللي وصلت له ... صحيح اعاني من اكتئاب وتنتابني الوسواس على مدار الساعة ,,, لكن احاول اتاقلم .


أتمنى استمر على نفس الاسلوب .. وشكلي بترك الدوا.

ترى الدواء لع علاقة في مسألة القلق والتفكير وإذا بتبطله بطله وخذ دوجماتيل سعر20 تقريبا هو مضاد للقلق

وانت ماشي صح استمر هلى نفس الأسلوب في البداية راح تخاف انك ترجع مثل قبل

المشكلة ترجع لي الانتكاسات والوساوس والقلق الدائم ,, يعني أيام اكون بخير (مع وجود اكتئاب) وايام يجيني اكتئاب حاد ما اقدر اطلع من غرفتي بسبته .


عندي احساس بالندم وخوف من المجهول والمستقبل ملازمني .



اعترف اني حاليا افضل لكن بشكل طفيف جدا .


في شي في داخلي يخوفني من ترك الدواء النفسي ,, وفي نفس الوقت افكر اغير الى دواء ثاني .. يمكن احصل فايدة .



يا اخواني وخواتي انصحوني بدواء اخر غير السيبرالكس تكون اعراضه الجانبية بسيطة ومفعوله قوي وسريع ..

ولا تنصحوني اصبر على سيبرالكس حبة ونص الى ان ارفع جرعتي الى حبتين ؟ عندي موعد مع الدكتور في شهر ديسمبر واعتقد بيرفع جرعتي الى حبتين في اليوم .


اتمنى منكم تفيدوني .

اتمنى ربي يسامحني على هذا الكلام , ابغي اراءكم لو تسمحون .


لاحظت اني لما كنت مواظب على الصلاة والدعاء حالتي جدا سيئة والاكتئاب شديد وكره للحياة , حاليا غير مواظب على الصلاة والدعاء واحس باني احسن مع انه تحسن طفيف .

استغفر الله ياليت احد يفيدني ليش هذا الاحساس ؟؟؟

هل من مساعد ؟

رايكم بتبديل دواء سيبرالكس الى دواء اخر ؟ وباي ادوية ثانية تنصحون ؟ ولا ابقى عليه الين ما ازيد الجرعة الى حبتين في الشهر القادم ؟



الحين جتني نوبة قلق وهلع واكتئاب ,, خذت لكسوتانيل (مضاد للقلق ) 3 ملجم ,, لو خذت حبة ثانية ووصلت ل 6ملجم في اليوم هل في ضرر ؟ ولا عادي ؟

ياليت تفيدوني بسرعة الله يجزاكم الخير .



الحمد لله على كل حال .

والله الاكتئاب متعب والتفكير مجهد ,, مالي الا النوم ,, الله المستعان بس .. حتى النوم كوابيس .


اتحسبت اني تحسنت لكن يبدو انه حالتي مستعصية مع اني احاول لكن شو اسوي ما باليد حيلة ..



الله كريم .. يا رب عوضني .

ساعدووووووووني

جرب موتيفال او فلونكسول

كيف الحال انت من وين اخوي

انا من رايي تناقش مع دكتور يضيف لك دوا ثاني مع سبراليكس

اخوي عبد الله ,, حسب بحثي عن الادوية المذكورة في ردك فهم مضادات للقلق صح ؟ ... يعني هم من نفس فصيلة لكسوتانيل ؟ ولا غير ؟

لانه مضادات القلق حسب علمي تسبب الادمان ومشاكل كثيرة ولا تؤخذ الا في نوبات الهلع والقلق القوي .. واللي اعرفه هو دواء مساعد اما الدواء الحقيقي هو مضاد الاكتئاب اللي حاليا انا استخدمه .


ياليت توضح هل يبتعون لكسوتانيل ؟ ولا انا فهمت غلط .

اخوي منتضر الفرحة وين هالغيبة ؟ ان شاء الله انك تحسنت وربي يشافيك يا رب .


دوا ثاني مثل شو بالضبط ؟ انا عندي لكسوتانيل مضاد للقلق وقت الحاجة وسيبرالكس اللي هو مضاد للاكتئاب ,,, يعني ينفع اخذ دوائين مضادات للاكتئاب في وقت واحد ؟؟؟ ام الافضل رفع جرعة سيبرالكس اللي ما شفت اي تحسن وياه ابدا .