خطى انا ما شفت لك موضوع حالي فالفضفضه جفت مواضيعك القديمه فقط احسن حل حطيلي هني اللنك للفضفضه عشان أقرأها وارد عليج لأنس مش عارفه انتي وين كتبتي الموضوع حتى طلعت كل مواضيعك القديمه بس قلت يمكن هي ما تقصد المواضيع القديمه 🏃🏾‍♂

اكبر غلطه سويتها اليوم اني بحثت فالنت عن مواضيع وقريت بعض القصص وفتحت على نفسي باب مسكر من المحفزات الله يسامحني !! الكذب اللي موجود فيها كبير وأنا عارفه ومعظم المعلومات غير دقيقه وخاصه فقصص فلان قبل لا يتوفى وفلانه الا انني مش قادرة أنسى اللي قريته وقاعده اربط الحين 🤣🤣 يا ربي فتحت على نفسي شبابيك الله المستعان بس ان شاء الله وسوسه بسيطه وبتعدي مرينا بالأكبر

ايوة ممكن اجربه
ربنا يحفظك يا ابو عبادي ويطول في عمرك

نعم اللي عملتيه ده غلطه كبيره للاسف انا عملت كده اول ما جاني الوسواس وكنت ابحث عن قصص زي كده وعن مواقع تفسير الاحلام واشوف كلام المفسرين وغالبيتهم تفسيراتهم كانت بالموت وتحت الحلم يكتبو ان صاحب الحلم اتوفي مثلا بعد 3 ايام من الحلم وكنت انتكس انتكاسه كبيرة وابكي
لكن حاليا اقول طيب هو المفسر عرف منين اذا كان صاحب الحلم اتوفي ولا لا مش معقول هيتتبع كل اللي بيطلبو منه التفسير ويشوف اتحقق ولا لا يمكن بيعمل كده للدعايه لنفسه مثلا
بالنسبه للناس اللي بتحس قبل موتها لو سالتي اي شخص ليه قريب ليه اتوفي هيقولك كان حاسس قبلها لان بعد موت الشخص اللي حواليه من نفسهم يفسرو تصرفاته انه كان حاسس من انه ممكن يكون عمل حاجات عملها كذا مره في حياته
والله هو عموما الغيبيات دي اللي يشغل نفسه بيها يتعب جدا

سلام
كيفكم جميعا وكيف الوسواس معاكم مع قرب العيد
اليوم جاني الم بين العينين زي صداع خلاص جاني قلق مرا وسواس اني بموت وشعور غريب حتى ماقدرت انام ياارب انه وسواس ويخف بعد شوي

يا زهره فعلا هذه اكبر غلطه فعلتها وهو النظر لكلام وتفسيرات العامة لدرجة انها مأثرة ع نفسيتي اليوم فعلا كله ربط خاطىء وغير منطقي ومش من اختصاص البشر اصلا علم الغيب 🧐 اول وآخر مره ابحث بهذه العشوائية وخاصه تفسير الأحلام هذا كله خطأ وكلام فاضي

مرحبا سارة تجاهلي الألم هذا فورا هذا وسواس وكل مره بيطلعلك بشكل اما بخصوص قرب العيد شوي فيه وساوس وتعب ونوبات خفيفه ودوار بس افضل حالا ولله الحمد من بداية رمضان واسأل الله ان يهدي بالنا ولا ننتكس

اليوم طلعت شوي اقضي مشاوير مؤجله من شهوووور وما أخفيكم سرا طالعه وخايفه شوي وأقول ليش طلعت وشمعنا اليوم ومن هالكلام البايخ اللي ماله طعمه وكأن الانسان اذا حبس نفسه فالبيت ما بيصير عليه شي عجبي 😂😂😂ادعولي ينقضي المشوار على خير

انبح يا كلب الوسواس انبح اكثر ... نحن سنمضي نحو الشفاء بإذن الله وانته أشبع نبيح

عندي ألم في الصدر ونغزات في جهة اليسار وكتمة وضيق تنفس
وألم في الظهر بين الأكتاف ....
واحس مهدود حيلي وما ابغى اسوي شي ...
علما اني سويت تخطيط قلب والحمدلله سليم
وكل يوم احس اني بموت وخوف مو طبيعي ...
معقولة كل هذا وسواس وقلق...
اللي مر بحالتي يطمني ..

مرحبا فتاة الاسلام .. اخاف الناس يتحروني اجذب يوم اقول نعم مريت باللي تمرين فيه من كثر ما مرت علي كل الأعراض .. ارجعلي للصفحات السابقه امس كنت كاتبه الألم مثل نغزات جهة اليسار صح ؟ وفِي ألم فالظهر جهة القلب وفالمنتصف وألم في الأضلاع .. ودوار فالرأس وتعب عام فالجسم صح ؟ وإحساس بالموت خايس وثقيل صح ؟ هذا كله وسواس نعم معقوله ويسوي اكثر من جي بعد انا يجيبلي اسهااال قوي في النوبات القويه وحرارة داخليه وما اقدر اشيل راسي من الفراش سويت فحوصات عند دكتورة سودانيه طالعتني جي 🤨 وقبل الاشعة والتحاليل قالتلي ترى ما فيج شي 😁 قتلها لا رجاء ابا تحليل ولما عملت التحاليل كلها ولله الحمد سليمه ! خلاص مدام سليمه قلت الحمدلله ما في شي رجعلي الألم مره ثانيه واتخيلي كنت بروح اعمل تحليل مره ثانيه !! بعدين قلت لحظة فلوسي طايحه فالشارع ؟؟ خلاااااااص انا ما فيني شي وانتهى وهاي كلها غازات ودعيت ربي وطلعت صدقه عن نفسي وعن صحتي وعن والدي وانتهىىىىى ! خلاص حطي حد وقولي طزززز اللي بيصير خله يصير .. انا بعد اليوم حيل موسوسه بس خلاص شو اللي بيصير؟ كل يوم نفس الكذبه مليت الصراحه

مشكووورة يا قلبي على الرد
بس انا في فكرة ببالي تقول انه فحصهم مو مضبوط ولازم أعيد الفحوصات ...
وش الحل وزوجي راااافض

زوجج معاه حق .. ما فيج شي ان شاء الله ترى التخطيط والأشعة هذه ابسط طفل يقدر يشخصها فخلاص اتعوذي من الشيطان لا تدخلين في هذه الدوامه السيناريو اللي بيصير كل مره بتفحصين ماراح تقتنعين ابدا وبتعيدين كل مره هذا سلوك قهري مع الأيام الدماغ عندج بيتعود وكل فتره راح يخوفج ويبعثلج إشارات جسديه لانج عطيته وجهه وكل شوي تفحصين صدقيني انا وسواسي اكثر منج ونصيحة اخت لا تدخلين هللدوامه اتوكلي ع الله وطلعي صدقه ( الصدقة تدفع البلاء وتقي مصارع السوء ) ( داوو مرضاكم بالصدقه ) ما فيج شي ان شاء الله .. انا مره نغزه مره إسهال ومره ظهري يعورني وسرى الليل وحنا ما سرينا

انا دائما عندي نفس الامك هذه وهي فعلا من الحاله النفسيه والقلق

اتمنى اللي ينشرون الاخبار المفزعه يجيهم وسواس نفسنا عشان يبطلون نشر وفزع لخلق الله .. مو معقول حالتي تتحسن وتنتكس بسبب اخبار سيئه يعني كنت بالواتس الا وحده ترسل خبر افزعني لدرجه جتني رعشه قويه وصداع وغثيان 😔 قفلت الإشعارات بس باقي مفزوعه الحين اخاف ادخل اي موقع عشان م اصادف شي يدمر نفسيتي هالفتره كل ألآخبار موت موت موت موت مرض وربي نفسيتي تعبتتتتتتتتتتتتتتتت وكنت اتابع سنابات الا وحده تنزل خبر موت ): بكل مكان الاخبار هذي تصادفني مااتهنى ب اي تحسن بالنفسيه الا تتدمر مايكتمل يومي الا يجي شي ينكد حتى ع الفطور اخواتي يسولفون عن وحده ميته من ٥ سنين !! تعبت انا ): دايم اقول يا حظ المجانين مافيهم عقل يفكرون بالموت وهالاشياء عايشين بدون عقل ربي رحمهمم من هالوسواس الزفت .. نفسيتي متدمرررررررررررره صفرررررررررررررررررررررررررر