يارب الطف فيني

[يارب عفوا ورضاك]

يارب الطف فيني

انا فيني الم شديد شديد مره مدري وش اسوي رحت 3 أطباء ما اعاروني اهتمام واستشاري كبير كتب فوبيا من الامراض يارب وش اسوي حتى النوم ومو قادره يصحيني من النوم راحمه عيالي يارب هبلت فيهم يارب رحمتك انا في منطقه بعيده عن أهلي ابي بس الألم يوقف هل الوسواس يسبب الم صح انا موسوسه اعترف لكن هذا الم لا اله الا الله وحده لا شريك له اللهم لاتجعلني من القانطين والهمني الصبر

المصدر: نفساني

[ماندوزا]

ايش نوع الالم اختي يا ريت توصفين بالضبط وان شاء الله خير

[يارب عفوا ورضاك]

ردوا علي بالله

[آبوبدر ..~]

رد عليك اخوي ماندو ..

وش نوع الالم .. ماعليك كلنا معك اختي وراح نساعدك ان شاء الله

[ماندوزا]

المشاركة الأصلية كتبت بواسطة آبوبدر ..~

رد عليك اخوي ماندو ..

وش نوع الالم .. ماعليك كلنا معك اختي وراح نساعدك ان شاء الله

عادي يا رجل

يمكن انه يعاني كثير الله يعينه

ساعده بللي تقدر عليه بارك الله فيك

[يارب عفوا ورضاك]

وسوست في كل الأمراض يارب لطفك الوسواس يمنعني من الكلام أو الفضفضة ودي اتخطى هالحاله أم سما وينك انا نفسك وترا انا حرمه زيك أحس اني في دوامة وشاد علي الوسواس والحالة النفسيه منزويه منطويه والله اني راحمه عيالي والله بس أحيانا أفقد السيطرة يارب اجعلني من الصابرين يارب

[يارب عفوا ورضاك]

حتى لما يخف الألم اترقبه متى يرجع وكيف صرت اخاف من النوم والأكل والشكوى لكن الشكوى لله كبلني قيدني هل هذا وسواس ولا وصلنا لأعلى حالات النفس بحيث نعرف الأخطاء مدري كيف اعبر ودي اشرح لكن الشكوى لله

[يارب عفوا ورضاك]

يعني الوسواس يقول فضفضتك غلط هذا جزع وكلامك بمنتدى غلط وووو هل هذا وسواس أم فعلا أعلى حالات الحذر انا اعاني من تأنيب الضمير فراح أحس بالذنب وليه سويت وليه تكلمت وليه فضفضت


الحمد لله على كل حال

[ماندوزا]

ما هو وسواس هذا

هذا قلق اختي وانتي عارفه انه قلق فقط

وتعرفين كيف طريق العلاج ولكن احيان الشخص ما يصدق ان الالم الي يجيه هو فعلا قلق

عشان كذا يدور بحلقه مفرغه

لا تضيعي وقت اكثر وبادري بالبحث عن العلاج الصحيح

وان شاء الله اختنا ام سما تجيك وتجاوبك

قدامك العافيه

[عبدالله سلمان]

ما ازيد على الاخوان ... بس جاوبي عليهم ايش نوع الالم اللي تحسين فيه والأعراض اللي تجي لك

[ام سما]

اختي ذكرتيني بنفسي اول ماتعبت هبلت بزوجي ومن لطف الله فيني ان اطفالي في هذاك الوقت صغار مايدرون عن شي لكن الحمدلله على كل حال
اختي في هالحاله ماراح يفيدك الا انك تروحين طبيب نفسي يكتب لك علاج يريحك ويهديك عشان تقدرين تتخطين هالوساوس وتمارسين حياتك طبيعي واهم شي بعد ماتحسن بالعافيه انك ترقين نفسك وتحافظين على الاذكار قد ماتقدري ولا تخلين الشيطان يتغلب عليك
وترى انا كنت مثلك احس ان الكتابه والفضفضه نوع من الجزع لكن بالاخير اكتشفت ان الشيطان هو اللي يصور لنا هالشي عشان يتوحد فينا ويخلينا ننحرق من جوا ماعليك اختي فضفضي واكتبي ووسعي صدرك
انا اكبر دافع خلاني اتماسك واصبر اولادي وحب زوجي لي وحياتي اللي كانت احلى من كل شي وانقلبت بين يوم وليله تخيلي لدرجة كنت اطلب الطلاق من زوجي من دون سبب وبعدها انهار لكن مانقول الا الحمدلله على قضائه وقدره
اتمنى تسوين مثل ماقلت لك روحي طبيب واحكي له عن كل شي تحسين فيه وان شاء الله بيصرف لك علاج يريحك وصدقيني بتطلعين من هالحاله
مهما حسيتي ان حالتك صعبه لكن والله تراها اسهل من ماتتخيلين وهالشي انا حسيت فيه الحين وكل مافكر بحالتي قبل اضحك لاني كنت اصدق الوسواس بكل شي واخاف بشكل مو طبيعي
شدي حيلك وان شاء الله العافيه شوي شوي وقريب ان شاء الله تجي تبشرينا انك تحسنتي وامورك تمام
وعلى فكره مهما حسيتي من اعراض في البدايه من العلاج واصلي ولاتتركينه غالبا تكون اعراض بسيطه تنتهي في اقل من اسبوعين لكن اهم شي لاتتركين العلاج من نفسك لازم بالتدريج ولازم تتابعين مع طبيب