عنوان المرحلة: أنا وتقلباتي المزاجية

عنوان المرحلة: أنا وتقلباتي المزاجية

السلام عليكم ورحمة الله وبركاته ..

ههههههههههههه

آسسسفه لكم أنكم شهدتم معي تقلباتي المزاجية ..

والله العظيم بعد فترة كذا انقلب مزاجي للأفضل من نفسسه نمت قمت وأنا متغيرة !!!. ما عدت أدري هذي شخصيتي كذا .. ولا وش بالضبط .

حبيييت أولا أطمنكم .. فجأة تحسسن تفكيري ونظرتي للمستقبل والحياة وقررت أتوظف وأشتغل على نفسي واتخذت خطوات فعّاله للبحث عن وظيفة .. وقصيت شعري هذي خطوة تعتبر جريئة بالنسبة للبنات 🤣🤣
و رجعت اقرا وأتثقف وأشارك يومياتي مع صديقاتي اللي منزمان مهملتهم ..

ثاني شئ والله وقوفكم معي أنه غالي عندي وما أنساه
يكفي أنكم تسمعون لي وأقدر أعبر عن اللي ببالي بكل أريحية بينكم وكسسبت لي أجممل قلووب وصحببه 🩷🩷

ثالث شئ أنا كنت أقول أني خسسرت لما عبرت في الفضفضة وأنا غلطانه في ذا الشئ ..
لأن لولا الله ثم الفضفضة ما قدرت أوصل لمشاعري الحقيقة وأوصلها للناس بكل قوة وساعدتني أتخطى أسوء أيام مريت فيها .. وأشوف أثرها الطيب علي الآن
يكفي أنها عطتني لمحة عن ذاتي و جرأة في التعبير عنها .

رابع شئ لا تأمنون تقلباتي أبدا أحسس أنا ما عدت أثق فيني ههههههه أشوفكم فالحلقة القادمة

وأسأل الله لي ولكم التوفيق وتمام العافية .

طبعا عشان تكونون بالصورة لي ٣ شهور مخفضة جرعة أدوية الإكتئاب ومضادات الذهان للنصف .. صار لي نوع من الكركبة والفوضى .. 🙊

المصدر: نفساني

حسسيت أن زي ما أشاركم خيبات أيامي
لازم أشاركم أجملها
لأن الدنيا مالها وجه واحد اليوم حزين بكره أنت مبسوط
موضوعي السابق أتصفحه وآحس بالكآبه فيه
وأبي هالموضوع يكون أفضل مليان فراشات تفاؤل و ورود طمأنينة
مدري حقيقة اللي أنا أمر فيه هل هو شعور طبيعي
أو نوع من الهوس .. لكن بأعيشة بكل الحب وبأشكر الله عليه
أيامنا السيئة تاخذ من عمرنا بدون إستئذان
أجل بنعيش الأيام الحلوة بدون تفكير
يممكن لازالت بعض الأمور على حالها ماتغير شئ
في حياتي ..
بس آحسس انفتحت لي نافذة أشوف منها ألوان الحياة
غير اللون الأسود .
أدري أن أحيانا من الأدب الصمت في حضرة الألم
ولكن حبيت أذكر جانب الأمل في الحياة
لتكتمل الصورة
وأعتذر إذا كان فيه أي إزعاج لأي شخص .

بس أبي أقول
أن الإنسان ضعيف مهما بلغ من التفكير والفلسفه
يحكمه فالنهاية مزاج

مريت في مواقف
ولقيت نفسي محشورة في نقاشات
و محادثات
وبفضل الله ثم الأدوية اللي استخدمها الآن لقيت عندي الثقة
والجرأة والهدوء للتعاطي معها .
وحتى الإحراجات اللي تحصل ما أهتم لها .

فأفكر جديا أكمل على نفس الأدوية الحالية فترة اطول ...
أقدر أقول أنها شالت مني الخوف والخجل وتأنيب الضمير .

الأدوية بجرعات عالية عالجت الذهان لكن ماناسبتني
من ناحية التبلد و بطء التفكير و التساقط وزيادة الوزن والقلق والصمت والخوف

لكن بجرعات منخفصة للآن مالاحظت مشاكل الذهان والحمدلله وحسنت من ثقتي و زال الخوف و خف التساقط وقل الوزن وخف القلق وقل الإكتئاب

أدويتي حاليا
٢.٥ أربيبرازول
٥ ديبرالكس
١٠ أندرال

أنا مختارة كمية الجرعات من راسي
طبعا الأندرال أكثر واحد أحبه لذلك تركت له الجرعه الأعلى 🤣🤣