|
22-09-2024, 05:43 PM | #1861 |
( عضو دائم ولديه حصانه )
خطوات في معترك الحياة
|
تعرفون شعور الطفش من كل شئ حولك ..
والزعل على كثير أشياء .. و رفضك لواقعك .. تحس لو أنك بمكان ثاني أو زمان .. ! بتتغير أمور كثير .. لو أنك مع ناس ثانية .. بتحل مشاكل كثير .. تلقى لعزلتك ألف سبب .. وتخاف منها ! تعيش وسط الناس وحيد .. و ودك تحتمي ببطن الأرض .. ما هو شعور حزين .. قد ما يكون غريب .. |
|
22-09-2024, 05:58 PM | #1862 |
( عضو دائم ولديه حصانه )
خطوات في معترك الحياة
|
ودي أتوظف ..
ودي استقل بحياتي .. ودي أعيش أيامي لنفسي .. ودي أتعب لمستقبلي وألقى نتيجة تعبي .. ودي أقضي أيامي في كد وروحه وجيه لسعادتي .. ودي أنام نومة التعب بعد ما أنجزت لحياتي .. ودي أعيش ولّا أنتهي .. بس ماعندي طاقة أعيش فيها .. وكل تفاؤلي راااح . ما عندي حب للحياة .. ولا شغف . ماعندي ثقة بأني بأحصل نتيجة .. ولا ضمان لمستقبلي . |
|
22-09-2024, 06:03 PM | #1863 |
( عضو دائم ولديه حصانه )
خطوات في معترك الحياة
|
أكككره شئ لمّا أشتككي لأحد من شئ
وتجيني ذيك العبرة .. مهب وقته قسم ..😮💨 |
|
23-09-2024, 06:43 AM | #1864 | |
عضومجلس إدارة في نفساني
|
اقتباس:
صباحِك رحمات وبركات ياغاليه ... يامرحبابك وبروائع ماتكتبين يا رائعة . |
|
|
يوم أمس, 10:53 PM | #1865 | |
( عضو دائم ولديه حصانه )
خطوات في معترك الحياة
|
اقتباس:
وجودك الأروع والأجمممل 🌹🌹🩷 |
|
|
يوم أمس, 11:15 PM | #1868 |
( عضو دائم ولديه حصانه )
خطوات في معترك الحياة
|
آحس براحه كبيرة لما بديت أعطي كل شخص
حجمه في داخل نفسي .. خصوصا المؤذيين كنت أشوفهم جببل .. واليوم ما أشوفهم شئ .. من بعد ما كنت أغّلط نفسي عشان ما أشوف أحد غلطان .. وأقول معليش الخطأ خطاي .. أولا وأخيرا . صرت أوقف كل شخص يأذيني عند حده بأسلوب . والغريب قالوا وش غيرك كنا نغلط وترضين ..! حتى ما يدرون أني ما كنت راضية !! بس لكبر قدرهم اسكت . وفي النهاية حطوا الغلط علي .. أني من أول عطيتهم مساحة للغلط .. !! تعلمت أن في فرق بين أننا نعز إنسان وبين إننا نسمح له يتجاوز حدوده معنا . ما اعتبر هذا الإكتشاف المتأخر إنجاز لأني كنت أعشم في الناس🥺 .. وتجاوزت مرحلة الصدمه .. لمرحلة تصحيح الأمور . عموما ما في علاقات مثالية .. ولا بشر كاملين . لكن الأولوية والمعزه والمحبه الأبدية دائما لنفسي .. هذا اللي تعلمته أخيرا . |
|
يوم أمس, 11:30 PM | #1869 |
( عضو دائم ولديه حصانه )
خطوات في معترك الحياة
|
كلن يعود لأصل جده ومرباه ..*
لا تتحمس وتزرع في حديقة ماهيب لك .. لأنك بعدين بتاكل أصابعك ندم وقت ما ياكل غيرك ثمر جهدك . ولا تحط جميلك في اللي ما يقدّره ولا يقدّرك .. ولا تنسى .. حتى لو سامحت .. وإذا قالوا لك تراك طيب .. اعرف أنك ملعوب عليك .. وحب من تحب بلا منّه .. لأن المحبه تسعدك قبل تسعد من تحبه .. وترى في ناس خلقت بدون مشاعر .. لا تتعب نفسك معها .. |
|
يوم أمس, 11:50 PM | #1870 |
( عضو دائم ولديه حصانه )
خطوات في معترك الحياة
|
غلطة عمر !!
أنك تعيش اليوم بنفس شخص الأمس !! الدنيا تغير .. والناس .. كلنا تغيرنا ..! ليش ما تتغير معنا ..؟ ماكفتك صكات الدنيا و دروس الحياة .. كانوا يخوفوننا وحنا صغار من العوافي .. كبرنا وصارت أكبر أمانينا نلقى العافية !! كان الغريب أكثر شخص يحذرونا منه .. كبرنا ولقينا الظلم من القريب !! علمونا على التسامح والعفو .. وماقالوا لنا أنه عند المقدرة .. ! كبرنا بالعمرر .. ولازلنا بمشاعرنا وتفكيرنا صغار .. واللي ما تعلمناه في البيت ..تعلمنا إياه الأيام ..!! |
|
اليوم, 12:02 AM | #1871 |
( عضو دائم ولديه حصانه )
خطوات في معترك الحياة
|
صار عندي حساسية من نوع آخر ..
أي شخص سلبي ..! تلقائي أصد عنه وأبعد بعييد .. أعامله معاملة الفيروس الخطير 🤣 أكبر عدو .. اللي يسرق طاقتك بحلطمته الدائمه ..! الكرة الأرضية فيها اللي يكفيها .. لا تفجر فيها براكين لها سنين ساكنه ..! إما تسعدني ولا يسعدني فرقاك .. |
|
الذين يشاهدون محتوى الموضوع الآن : 11 ( الأعضاء 1 والزوار 10) | |
وعل الثلج |
|
|