علاج القولون والمعده = التخلص من الهلع رهاب والاكتآب والوسواس في هذا الحوار

الله لا يوفقه لا دنيا ولا أخره اختي والله العظيم ما يذبح الواحد الا التشخيص الغلط اقسم بالله لو لي سلطه بالبلد واشوف دكتور يصرف علاج للمريض بالغلط لا اقص راسه واخليه عظه وعبره للي زيه .

اساس مشكلك معلمك انا بدايتها بسيطه لكن قدر الله وما شاء فعل سوء تغذيه وخلاص اذا تعبت المعده والقولون يصير فيهم اللتهاب ويجيك هلع وسواس وكل ما يزيد اللتهاب تزيد الاعراض .
والأمور هذي مستحيل يعرفها حتى الاطباء الا واحد مار فيها وحاس بالمعناة وطبيبك الله لا يوفقه صرف لك كل السنين هذي علاجات نفسية اثرت على مرارك وشالوها بسبة الحبوب النفسية هذي .

أختي لاحظت عليك الثقه العمياء خلاص صرف لي الدكتور راح اكله لو انه سم ، اختي ترا اكثر ما يموتون الناس من الاخطاء الطبيه يعني كوني حذره لو تعطيك الدكتوره او الدكتور أي علاج ابحثي عنه بالنت وشوفي تجارب الناس له استفادوا ما استفادوا وبعدين عاد قرري أنك تاخذينه اولا والمثل يقول اسأل مجرب ولا تسأل طبيب .
انصح بالتالي :
1- توجهين أختي لدكتوره في مستشفى الحبيب بالرياض على طريق الملك فهد والله أن الكثير من الناس يمدحونها وما أدري هي مغربية او تونسية لكنها استشارية جهاز هضمي او اي دكتوره شااااااااااااااااطره ومعروفه خليها تاخذ عليك منظار بس لا تاخذ عينه من المعده والقولون بس مجرد تشوف عندك اللتهاب او لا واجزم أن فيك اللتهاب بالمعده بسبة الحبوب اللي انتي اكلتيها سببت لك البلاوي هذي كلها ولا تخلينها تخدرك تخدير كامل بس بخاخ بالفم علشان اذا جرحك تعلمينها أفضل لك وما يحتاج فحص جرثومة معده فيه تحليل بالدم افضل لحالك صدقني منصح لك .
2- بالنسبة للحبوب النفسية لا تقولين أخاف ارجع خلي عندك عزيمة قولي بأذن الله راح اتركها وش اللي يفرقك عن الناس الا أن الناس عندهم عزيمة وارادة وانتي لا ليه فيك نقص لا بس انتي محبطه نفسك لو تفكرين زين انتي افضل من 80 % من اللي حولك بس الفرق هم عندهم عزيمة وانتي لا توكلي على الله وخلي عندك ارادة وتحدي اللي فيك هذا مجرد عارض وما دام انك عرفتي المشكلة صح راح تتخلصين منه للأبد ويصبح ذكريات شي أسمه اللتهاب وراح يروح بأذن الله والله ما عاد تفكرين فيها اساساً بس اتوقع بما أنك استخدمتيها لك مده يمكن تتعبين شوي عادي بالله عليك اللي جاك قبل ماهو اشد من اللي فيك الحين وبإمكانك تسألين الدكتوره تقولين لها أبغى اتخلص من الحبوب هذي وراح تعلمك الطريقه الصحيحه لأنها عقب ما تفحصك راح تصرف لك علاج للتهابات اللي فيك وتعلمك المطلوب .

3- اختي نوبات الهلع اساسها من اللتهاب بالمعده والقولون وتسببت باللتهاب الاعصاب المحيطه فيها وعلشان كذى يصير عندك نقص بعض العناصر الهامه لجسمك واللي جسمك بحاجه لها والجسم سبحان الله لا ارادياً تحسين بخوف بسبب النقص اللي فيك والحمد لله اللي خلا اجسامنا تحرك لا اراديا ً لو أنا حنا اللي نحركها تخيلي كيف مره تصكين عين والا تنفسين والا تحركين والا تفكرين اللهم لك الحمد فلا تخافين اللي يجيك هذي ردة فعل الجسم .

4- اختي أفضل أنك تعوضين جسمك بأكلات طبيعية وصحية وخاصة اللي فيه هرمون السيرتونين هرمون السعادة مثل الاسماك والموز وكذلك اكلات تعوض النقص اللي في جسم مثل التمر وهو انواع شوفي اللي تحسين أنه مأثر على باطنيك تصبحين بسبع تمرات والمساء مثلها وكذلك العسل يكون أصلـــــــــــــــــــي وأفضل عسل لمثل حالك عسل برسيم او زهور ملعقه تحلينها في كاس مويه صباح ومساء تدرين وشلون الفراعنه يحنطون الجثث يخلونها ما تعفن يكبون عليها العسل فتحتفظ بشكلها ما عاد تجيها الجراثيم والبكتيريا.
وترا لكل شخص عسل معين يناسبه فيه ناس ينفع معها سدر وفيه ناس طلح وفيه ناس سمر وفيه ناس سمر ولازم ما يكون مغشوش وتبين تعرفين الفرق بين العسل الاصلي والمغشوش ادخلي آخر موضوع نزلته فيه مقطع يبين لك العسل الاصلي والعسل المشغوش وابغاك تجنبين أي شي فيه خمائر فطاير والطماط والكاتشب ما يونيز دهون واي شي يسبب حموضة وحرقان بالمعده والشاي والقهوه وتحرصين على اليانسون والبابونج القسط الهندي سمعت انه يرفع الضعظ وما ادري عن صحة الكلام .
5- شرب كاس ماء زمزم يومياً

6- فيه حليب مكمل غذائي للعناصر اللي فاقدها جسمك فيه جميع الفيتامينات اقل شي لو تاخذين منه بياله بيالتين باليوم وان ما حسيتي انه ما يتعبك تزيدين عليه مويه علشان بعد خف كثافته وكان فيه حموضه تخف عليك شوي تجزئينه باليوم وتشربينه تلقينه بالصيدليه يباع وهو يصرف لمرضى القولون واللي عندهم سوء تغذيه واذا حسيتي انك مرتاحه له استخدميه وهذي صورته

هذا أسأل الله العظيم أن يشفيني ويشفيك ويشفي كل مسلم

للرفع
لتعم الفائدة للجميع

مشكور اخوي والله يسعدك يارب
والله مو ثقه عمياء بس انا انسانه ادور علاج لحالتي واي شي اشوفه ويقولولي عليه عادي اجربه اهم شي ارجع طبيعيه والا ماكان شلت مرارتي
وان شاءالله راح اخذ الحليب والعسل والله ينزل فيهم الشفاء
بس للاسف انا مو من الرياض لكن اعرف دكاتره اثنين تمام عندنا بشوف اكثر مدح لمين واروح له
وراح اكتب لك اش حيصير معي ....

اسـأل الله العظيم رب العرش الكريم انه يشفيك

اختي شوفي من النقاط رقم اربعة ورقم سته ركزي بالكلام اللي انا كاتبه زين وطبقيه وشوفي وش تحسين هل تغير عليك شي او لا وأبيك بعد كل صلاة تقرين عشر صفحات من البقرة بحيث في صلاة العشاء الا وانتي مخلصة سورة البقرة وراح تشوفين التغير اللي راح يحصل لك بس اتمنى تقرين سورة البقرة بصوت واضح مرتفع شوي .

وحاب اذكر لك قصص عن فضل الصدقة وقراءة القرآن وما راح اقول الا قصتين علشان ما أطول :

فيه وحده ما خلت مستشفى ما راحت لها ما لقت لها علاج نهائياً المهم ما قطعت الأمل من الله سبحانة وتعالى الى درجة أنها صارت تقرأ قرآن وتحضر محاضرات لأن المجالس اللي فيها ذكر تحفها الملائكة المهم الا ذاك اليوم اللي كان عنوان المحاضرة داووا مرضاكم بالصدقات وكانت هي طبعاً مريضة من يوم تزوجت حوالي ثلاثين سنه تخيلي فقامت وقالت أنا ما عندي اغلى من الذهب هذا اللي على صدري راح اتصدق فيه
وعطت الذهب هذا المشرفين على المحاضره حتى يتبرعون فيه قالوا لها لازم اختي تجيبين الفاتوره لأن محلات الذهب مستحيل تاخذ منك الذهب الا لازم يكون معك فاتورة وخاصة اذا كان الذهب غالي وقامت وجابت الفاتورة وكتبت رقمها .
المهم المشرفين على المحاضرة اخذوا المبالغ وذهب الحرمه هذي وقاموا يبغون يبعون الذهب هذا وراحوا فيه لم محلات الذهب وقام راعي محل الذهب وقال لهم مستحيل الذهب هذا يكون وزنه ثقيل للدرجه هذي اكيد داخل الذهب فيه حاجه وتقوعين وش لقوا فيه ؟؟؟
كان محطوط فيه عمل يمرض ويصرف هذي المرأة عن زوجها والطامه الكبرى من اللي مسوي لها العمل اعز صديقه لها تخيلي وكانت حالفه عليها كانها تعزها ما تفسخه أبد ماهو حب الا حتى تفضل تعذب ما دام الذهب هذا عليها لكن فرج الله عليها بسبب أنها دفعت وتصدقت وسبحان الله اللي امرها وخلاها تصدق بالذهب هذا اللي مخليها طول عمرها بامراض وصارفها عن زوجها .

والقصة الثانية :
وحده نفس الشي حصل لها عارض ومرضت حاروا فيها الاطباء المهم قال لها اخوها راح اوديك لم مشايخ يقرون عليك وراح اخوها ما قصرا كل يوم على شيخ والمشايخ اللي يقول عين واللي يقول سحر بس ما استفادة شي أبد.

اخوها تعب من كثر ما يتردد فيها وضاق صدره لأنه ما يشوف فيها تحسن وقال في نفسه خلاص أن راح اقرا على اختي وش الجديد اللي راح يجيبونه المشايخ كل اللي يقرون من القرآن وحلف أنه يختم القرآن على أخته كل يوم يقرا عشرين صفحه .
تصدقين من بدا يقرأ القرآن واخته ما تأثر لكن يوم انتصف في القرآن وقرا آحد الايات وتقعد اخته تصرخ وسبحان الله قعد كل يوم يكرر الايه هذي اللي اثرت على اخته ويكمل ختم القرآن ومن ختم القرآن سبحان الله قلب وجها من السواد للبياض ومن طيحت شعرها الى رجعته مثل ما كان لذلك اختي ترا ما كل شي علاجه الدواء الدواء سبب لكن القرآن كلام رب العالمين هو العلاج الحقيقي.

و حبيت احرصك من العين لأن الــعـــــين حق والناس ما تناظر لكثر ما تملك بل تناظر لما تفتقد وش اللي ينقصها وفيه مثل عندنا يقال حتى الفقير محسود على موتة الجمعه قالوا ليه قالوا ياكثر اللي يبي يصلون عليه .
لذلك اختي انا قلت لك طبقي وركزي على النقاط رقم اربعه ورقم سته فوق مع قراءة القران والأذكار وقبل ما تروحين الى الدكتور جربي اسبوع واتمنى تبلغينا هل حسيتي بتحسن أولا واذا ما حصل تحسن راجعي دكتور يخاف الله مع الحمية اللي ذكرتها لك وقراءة القرآن والأذكار.

وصدقيني راح ترجعين افضل من قبل بس الشي يبغى صبر ولو النجاح الواحد يحصله على طول كان ما طلع له طعم ومتأكد بأذن الله أنك راح ترجعين أفضل من قبل والعارض اللي جاك هذا راح يكون من اطال الماضي اهم شي توكل + صبر + عزيمة + قراءة قرآن وألاذكار + حمية غذائية اللي قلت لك عليها + علاج = الشفاء بأذن الله .

والله يتمم عليك لباس الصحه والعافيه ،،،،،

مشكور اخوي والله يعطيك العافيه
رحت قبل شهرين لشيخ يرقيني قال معاك مس وسحر وعين وهو اللي قلي اخذ القسط الهندي
لكن انا من النوع اللي مااتأثر من القراءه سوا احد قرا علي او قرات ع نفسي عشان كذا الشيخ
فسر وضعي من خلال الاعراض الدائمه مثل الخوف والهلع واوجاع البطن
اما سورة البقره حافظتها فالحمدلله كل يوم اقراها قبل ماانام
فااتوقع ان مشكلتي اساسها طبي لكن لين ذحين مالقيت التشخيص الصحيح انا جدا متفائله بلكلام اللي قلته ان المشكله من الالتهاب ويارب يكون صح خايفه من المنظار وفي نفس الوقت ماعاد فيه حل غيره وان شاءالله خير

الاخ عبادي

هذا آخر إنذار لك بعدم كتابة ارقام هواتف مالم سوف يتم توقيفك

وشكرا

مشكور اخوي والله يعطيك العافيه
رحت قبل شهرين لشيخ يرقيني قال معاك مس وسحر وعين وهو اللي قلي اخذ القسط الهندي
لكن انا من النوع اللي مااتأثر من القراءه سوا احد قرا علي او قرات ع نفسي عشان كذا الشيخ
فسر وضعي من خلال الاعراض الدائمه مثل الخوف والهلع واوجاع البطن
اما سورة البقره حافظتها فالحمدلله كل يوم اقراها قبل ماانام
فااتوقع ان مشكلتي اساسها طبي لكن لين ذحين مالقيت التشخيص الصحيح انا جدا متفائله بلكلام اللي قلته ان المشكله من الالتهاب ويارب يكون صح خايفه من المنظار وفي نفس الوقت ماعاد فيه حل غيره وان شاءالله خير


أختي اتمنى الشفاء

ابقولك حاجه مع احترامي لشيخ اللي قاعد يقراء عليك ما شاء الله يقول مس وعين وسحر ؟؟؟؟؟؟؟؟ هذا المرض الثاني من التشخيص انا اقولك وش فيك وانا ما قريت عليك ولا شفتك بس شيخك هذا مع احترامي له ما يدري وين الله حاطة وش السحر والمس والعين قال يا ولد خل الامور هذي كلها فيها اما تصيب والا تخيب ما هي داريه عن شي كان قال فيك كوكتيل ما خلى شي ما صار فيك .

صدقيني شيخك ما عنده سالفه تبين اثبت لك كيف تشخصين حالك هل فيك سحر او عين او مس الامور هذي بعد ما ره علي انا ما خليت احد ما رحت له وكل واحد يفتي من راسه يعني اللي يخاف الله فيهم يقول والله ما اعرف خلك معي فتره اذا تحسنت اعرف ان فيك شي .

المهم ندخل بالمفيد بحالك

1-اختي اذا بغيتي تعرفين فيك مس عن طريق شي واحد هل تجيك احلام فيها نساء ورجال على شكل اوضاع مخله بشكل يومي فهذا يدل على أن فيك مس وهذا علاجه القرآن كل يوم عشرين صحفه الى أن تختمين القرآن خلال شهر .
2- اذا كانت تجيك احلام عقارب وديبان وكلاب هذا يدل على أن فيك عين وعلاجه قراءة القرآن ولو كل يوم تقرين من القرآن عشرين صفحه خلال شهر وانتي خاتمه القرآن وبأذن الله وانتي طيبه من اللي فيك .
3- اما ان فيك سحر اشك صفر بالميه تدرين ليه لأن اصلاً المسحور مستحيل أنه يقرا القرآن واتحدى لأن الجن اللي متلبسين فيه ما يخلونه وانتي ما شاء الله عليك تقرين البقرة يعني خليتي الجن يحطون رجلهم ويقولون نبي السلامه بس وشيخك الضايع هذا يقول سحر؟؟؟؟؟؟؟؟؟؟؟؟ الحمد لله رب العالمين والله من زين التشخيص هذا اسمه الشيخ الضايع .


اختي خالقنا واحد والله ما يفرق بين عباده آبد الا بالعمل كم مره سجدتي بالثلث الاخير من الليل وانتي تدعينه تبكين كم فتره سجودك دقيقه خمس دقايق هذ اكبر غلط الحين انتي تحترين العلاج سنوات وتبين من الله يعالجك بدقيقه على انه هو اللي مقدر لك الشي هذا الله ما يحب الا عبده اللحوح كثير الدعاء ومرضك هذا بعد يعتبر عباده لأنك تطلبين ربك وما خلقنا الله بالدنيا هذي الا علشان نعبده احمدي ربك بلاك باللي فيك علشان يقربك منه ورفعة لك وزيادة بالاجر اسجدي بالثلث الاخير نصف ساعه وانتي ساجده وابكي وقولي اللي في خاطرك بصوت في غرفه لحالك وراح تلقين الاجابة .

اختي كل اللي جاك هذا تدرين أنه بسبب بعدك عن الله قبل والله الحين حاب يرجعك له لأنه يحبك .
وامراضك اللي عشتي فيها كلها من الشيطان لأنك طاوعيته قبل وصرتي مقصره بحق رب العالمين .

واخيراً والله أني ما اقول اللي فيك الان مشكله جسديه دخل في البداية الشيطان بالوسواس الى ان انعزلتي ثم تطور الوضع لما ذكرت لك قبل في تشخيص حالك بالضبط بداية الامر معك ارجعي وشوف ردي عليك قبل واتركي شيخك الضايع هذا اللي ما عنده سالفه .
اللي فيك عين ركزي على قراءة القرآن وبأذن الله راح تشفين وارقي نفسك بنفسك ابرك من الناس واستخدمي زيت الزيتون ادهني جسمك

ومنظار المعده عادي سهل بشرط انه يكون عند دكتور شااااااااااااااااااااااطر ويده خفيفه انتبهيييييييييييييييييي ولا تاخذين فحص الجرثومة عن طريق النفخ لأنها راح تزيد اللتهاب اللي فيك خوذي عن طريق الدم او اعزكم الله عن طريق البراز وكذلك فحص الامبيبا .

وبالنسبه لمنظار القولون ما اتوقع انك راح تتحملين لأنهم راح يعطونك مسهل قوي وراح يفضي كل اللي في بطنك وجسمك بحاجه للأكل اختي لأن فيك نقص وسؤء تغذيه واتوقع راح تدوخين ويمكن يغمى عليك لذلك منظار القولون متى ما شفتي نفسك راح تحملين المسهل وجسمك فيه قوه روحي خوذي منظار للقولون .


وخلي بين عيونك حاجه وحده أن الله ما ابتلاك الا يبي يرفع قدرك بالآخره ويبي يكفر عن سيأتك ويبي يوضح لك ان عندك مشكله لازم تحاولين تحلينها اختي ما دام لك يدين ارفعيهن فوق واطلبي الله وحاولي مع الطلب تفعلين الاسباب وانتي الحين بالطريق الصيحيح بأذن الله وصدقني أن شاء الله مرحلة وتعدي .

أسال الله العظيم رب العرش الكريم انه يشفيني ويشفيك وكل مسلم

الفحوصات اللي لازم تشوفينها شوفي نسبة كريات الدم البيضاء في جسمك
وكذلك فحص جرثومة المعده عن طريق البراز او الدم اعزكم الله وفحص الاميبا بعد ضروري عن طريق البراز اعزكم الله وفحص الدم قياس نسبة الحديد بالدم هل فيك فقر دم او لا

وسوي فحص بالمنظار للمعده عن دكتور شااااااااااااااااااااااااااااااااااااااااااااااااا اااااااااااااااااااااااااااااطر ولا تخلينه ياخذ عينه ابببببببببببببببببببببببببببببببببببببببد تراها توجع بس قولي ابغى اشوف فيه اللتهاب او لا

اولا ربي يحبك.. الله يجزاك خير على تفاعلك مع الاعضاء وبيض الله وجهك


ثانيا اذا فرضنا شخص طلع فيه نفس اللي تقول جرثومة المعده واظطراب بالقالون.

هل يوجد علاج وهل جربته شخصيا

وهل التحاليل لازم ع الريق

التحاليل عادي اهم شي عن طريق الدم فقط بأي وقت

رجعت لكم بعد التحاليل اللي عملتها
صلحت ثلاث تحاليل مثل ماقلت اخوي ربي يحبك
جرثومة المعده طلعت ماعندي
وتحليل فقر الدم برضو ماعندي يقول انتي في المعدل الطبيعي
وصلحت فيتامين دال للاسف ماارتفع الا درجتين فقط كان سته وصار ثمانيه واعطاني هذي المره حبوب لان المره الاولي كانت قطر
اما المنظار باقي ماصلحته من الخوف الله ييسرها واصلحه
والعسل اخذته لشيخ يقرا فيها بس باقي مااستخدمته
والله يشفي الجميع

المشاركة الأصلية كتبت بواسطة اتمنى الشفاااء

رجعت لكم بعد التحاليل اللي عملتها
صلحت ثلاث تحاليل مثل ماقلت اخوي ربي يحبك
جرثومة المعده طلعت ماعندي
وتحليل فقر الدم برضو ماعندي يقول انتي في المعدل الطبيعي
وصلحت فيتامين دال للاسف ماارتفع الا درجتين فقط كان سته وصار ثمانيه واعطاني هذي المره حبوب لان المره الاولي كانت قطر
اما المنظار باقي ماصلحته من الخوف الله ييسرها واصلحه
والعسل اخذته لشيخ يقرا فيها بس باقي مااستخدمته
والله يشفي الجميع

الحمد لله على السلامة

1- تقولين جرثومة ما عندك الف مبروك الله يبشرك بالخير .
2- طيب فيه فحص ما سويته اللي هو فحص الاميبا ؟؟؟؟؟؟ قايل لك عنه وينه ؟؟؟ وفيه فحص نسيت أنا ماقلت لك عليه فحص الكانديدا ضروري جداً.
3- وبالنسبة لدال وب12 متأكد ناقص هين ما فيه خلاف عليها ولا تاكلين شيء يرتفع طبيعي افضل لك الحمد لله ما دامه يرتفع زين انتي ما شيه بالطريق الصحيح لأن الحبوب ضررها اكثر من نفعها انا من رايي بما انه ارتفع الحمد لله فيه تحسن امورك بإذن الله تعدل ان شاء الله مع الوقت بس الصبر .
4- اهم شيء اختي المنظااااااااااااااااااااااااااااااااااااار لازم الى الآن أبغى اعرف من اي منطقة انتي كانك في منطقة الرياض فيه كذا دكتور وصفته لك وراح ابلغك عنه علشان التاكد من عدم وجود اللتهاب بالمعده والقولون لو اقل شيء فحص المعده القولون توك جسمك ضعيف اعتقد وما راح تحملين يفضون بطنك لكن المعده عادي بس الدكتور لازم يكون شاطر لا يكون قصاب ومثل ما قلت لا ياخذ عينه فقط يشوف فيه اللتهابات اوتقرحات فقط لا غير.
5- أنا قايل لك عسل برسيم أو زهور اصليييييييييييييييييييييييييييييييييي شرط ما يكون سدر او طلح اوسمر ما يصلح لحالك الا هو بعد إرادة الله فقط يعني إذا كان غير ذلك الله يعينك ما راح تستفيدين منه ابد .
6- فيه مغذي فيه عناصر تقريبا شامله لو تاخذينه راح ينفعك بإذن الله اسمه رنقر لاكتيتringer lactate لو مره بالشهر هذا اختي يصرف حتى بالمستشفيات الحكومية إذا كنتي تستخدمين المغذي عادي هذا راح يعوض العناصر اللي جسمك فاقدها وأن شاء الله راح تحسين بتحسن لأنه يختلف عن المغذي العادي اللي ما فيه الا جلكوز فقط هذا غير فيه عناصر اشمل .




يعني ما سويتي الا حاجتين بس صح اللي هو فحص الجرثومة وفحص الدم طيب ابغى اعرف كم طلع عندك كريات الدم البيضاء wbc ممكن تكتبينه والعسل ما ادري كانه غير البرسم او الزهور ما يصلح والباقي لازم تسوينه .

أسال الله العظيم رب العرش الكريم أنه يشفيني ويشفيك ويشفي كل مسلم اللهم آمين .

ايوه هو العسل اللي اخذته اسمه البرسيم بس ماادري اذا كان اصلي والا لا هو يحلف انه اصلي بس باقي مااستخدمته انتظر الشيخ يخلص قرايه عليه
اما بالنسبه لكريات الدم ماسألته كم النسبه بضبط بس واضح ان لو فيه مشكله نقص كان قالها هو يقول في المعدل الطبيعي
وبالنسبه للمغذي اللي قلت لي عليه مااتوقع راح اخذه لان فيه بعض المعادن اللي هي اساسا مرتفعه عندي مثل البوتاسيوم والكالسيوم على كلام تحليل المعادن واخاف ترتفع اكثر
يعني ذحين باقي بس اصلح كمان تحليلين اللي هما الاميبا والكانديدا ؟؟
وطيب حبوب فيتامين دال اوقفها ؟ لان فيتامين دال اصلن ماارتفع عندي الا بالقطر اللي استخدمتها لمدة ثلاث شهور
و ب12 ماصلت له تحليل اصلح له؟

على ما اذكر اني قرات لطبيب والله اعلم يقول مافيه شي اسمه قولون هضمي

القولون عصبي وليس هضمي , يقال الجهاز الهضمي وليس القولون الهضمي

ربما اصبت و ربما اخطات والله اعلم