والله حالتي في تدهور مستمر ..

والله حالتي في تدهور مستمر ..

أنا راح أوصف لكم الحالة اللي أمر فيها واللي والله تعبت منها ..

السالفة انه قبل شهرين وبالتحديد يوم الخميس ليلة الجمعة رحت أبغى أنام عاااادي جدا ... المهم جلست أفكر بالموت .. ولو أن الإنسان يموت وهو في هذه الحالة من المعاصي والذنوب ... يعني ذاك اليوم جاني زي الخوف من أمر وهو الموت .. وجاني زي تأنيب الضمير والأشياء النفسية ... وللمعلومية هذه الحالة من أربع شهور تقريبا كنت أفكر بالموت والخوف منه قبل النوم لكن ما أثرت فيني أبدا ... كان بس تفكير قبل النوم وبس ... يعني كنت أنام وأصحى عادي لكن مو زي هذه المرة .. المهم نمت ومادريت الا وأنا قايم فزع وحالتي حالة ما أدري وش فيني كأني بغيت أموت أو كأني دخت وبغيت أتقيأ – أعزكم الله - .. يوم الجمعة ليلة السبت نفس الحالة مرت فيني لكن هذه المرة مع تعب بدني .. رحت للدوام الساعة السابعة وبعدين رحت لعيادة الجامعة وقلت لهم اني أحس بأرق وتعب وأعجز أنام .. عطوني عذر الصباح كله .. الزبدة ومالكم بالطويلة ... لي تقريبا شهرين .. ( ألم في المعدة , ألم في البطن , سرعة خفقان القلب , ألم في الصدر والجانب الأيسر , كتمة ) . طبعا هذه الحالات فقط .... يوم تروح هذه ويوم تجي هذه .. يا أخوان هذه الأمور ماتجيني الا عند النوم أو بعد التفكير بشيء عاادي جدا أو أول ما أصحى .. وبعض الأحيان أحس بدوخة وكتمة وإحساس بالتقيؤ – أعزكم الله - ....

رحت لمستوصف الدوحة بالخبر سوالي تخطيط قلب ولقى الحمد لله القلب سليم .. رحت مستشفى الملك فهد الجامعي وأخذوا لي أشعة وضغط دم وسكر وتخطيط ولقوا كل شيء سليم ... رحت للعيادة وطبعا كان ذاك اليوم بس بطني يعورني .. ويوم كشف علي قال بس غازات خفيفة - أعزكم الله - .. والله لو تشوفون الأدوية اللي عندي تقولون عجوز .. كل ما أروح مستشفى يعطيني دواء معين ...

هذا تفصيل الحالة من البداية للنهاية .. والله العظيم ان دراستي بدت تتدهور بقوة .. أنا طالب في جامعة الملك فهد للبترول والمعادن .. مستوى ثاني .. وأهلي بالرياض .. يعني شبه مغترب ..والله العظيم ان نفسيتي ومعليش أقولها بالفم المليان ((( خيااااااااااس ))) ... والله تعبت يا أخوان ...

أنا معتمد على الله ثم عليكم بالحلول .. وأنا والله راح أسوي اللي علي ...

المصدر: نفساني

اخي حالتك نفسية خوف شديد
هذا من الشيطان ومايأتيك الا عند النوم
أقرأ اية الكرسي وكررها كثر ماتسطيع والمعوذات كثر ماتستطيع وادهن بزيت الزيتون عند النوم كامل جسمك الا العورة
صدقني اذا عندك ايمان يتشفى بإذن الله

لي عووودة ,,

لاني انا نفس اعراضك .. وتشافيت منها تقريبا ..

اخوي انا كنت نفسك

كانت تجيني هاذي الحاله وقت النوم

ما ارقد

اررررررق .. خووووف من شي مادري شنو

رعشة .. خفقان القلب ..كتمة ..ضييقه

وما ارقد الا الصبح .. ولا اروح الجامعه من التعب ..

تميت على هاالحالة اساابيع .. بديت احس بوساوس .. وان مستقبلي

بيضيع

اصيييح بدون سبب .. مااستانس مع اللي حولي (( هاي دليل على الاكتئاب ))
اذا ماكنت تحس بوناسه مع اللي حوولك .. يمكن فيك اكتئاب والله

اعلم ..

المهم.. عقب رحت عند دكتوور نفسي..قال لي : فيج اكتئاب

ولازم علاج كيميائي.. يعني بالدوااء .. والحمدلله توني ماخذة العلاج من اسبوع

ارقد بدون خوف ولله الحمد ..

اذا استمرت معاك الحاله .. لازم تراجع دكتور.. او شي ...

والله ايوفقك ويسعدك اخووي :)