توارد لذهني شئ قد يكون سبب قلق البعض

توارد لذهني شئ قد يكون سبب قلق البعض

السلام عليكم

اتمنى انكم بخير جميعا

جا ببالي شي لان توه ضربني ف قلت يمكن البعض يكون سبب قلقه هالشي هذا

طبعا لا تخافون ولا في داعي كل واحد يوسوس هههههههههههههه

انا كما تعلمون مصاب بالسكر ، صحيح تركت الادويه من وقت قريب لكن لسه الانخفاضات تجيني من فتره لأخرى لحد ما ينحل موضوعي ..... مو هنا القضيه

القضيه ان بعض الناس وانا اقول البعض ف لا توسوسون وايضا اقرؤوا الموضوع كامل قبل اي شي، مثل ما كنت اقول بعض الناس يكون عندهم انخفاض ارتكاسي. وشو هذا؟ هالحين بشرحه بس بقولكم ليش اصلا جا ببالي هالشي.


انا ك مريض سكر ،، اعرف ان السكر نزل عندي لما احس بارتجاف و غبش بالرؤيا وهذي علاماتي ولكن ايضا اشعر اني دايخ مرات ف ما ادري وقتها نوبه قلقيه او انخفاض سكر لكني اعرف نظام اكلي ومن جدولي اعرف انه نقص سكر او توتر وقلق لكن مرات يختبص علي الموضوع بسبب او بآخر.

المهم نقول علامات الانخفاض كامله،، تعرق، تشوش رؤيا، دوخه، صداع، خفقان في القلب، رجفه بالاطراف، عدم التركيز، الصعوبه بالكلام، احيانا غثيان .... يعني نفسها نفس اعراض القلق تقريبا ف يلتبس الامر.


المهم وين كنا ؟؟ اي تذكرت .... الانخفاض الارتكاسي مو خطير بمعنى انك رح تموت لا ابدا لا تخاف لكن اذا كان شديد جدا قد يغمى على الانسان دقائق لكن الشديد نادر الحدوث واذا بيحصل بيحصل لي انا ههههههههههه لاني اصلا مريض سكر.


انخفاض السكر الارتكاسي يحصل عند الناس الي مو مريضين سكر وسبب اختلاط القلق علي والانخفاض انه بكلا الحالتين الجسم يفرز ادرينالين بوجود خطر. مشكلة مرضنا الادرينالين ف طول ما انه يفرز ف القلق يجي والامر مشترك مع الانخفاض.


المهم، الانخفاض الارتكاسي هو تدني مستوى السكر بالدم بعد الاكل ،، لاحظ ،،، بعد الاكل فقط !! المهم بعد الاكل بساعتين الى اربع ساعات فالشخص الي عنده قابليه للارتكاسي بيحصله كذا.

طبعا هالشي بيسبب نوبة قلقيه بسبب الادرينالين المفرز لكن الكبد يشتغل يضخ سكر للدم لكنه يطول شوي وعلى بال ما يضخ سكر والسكر يمشي بالدم يهدا الهرمون حق الادرينالين وتهدأ الاعراض.


الشخص الارتكاسي عادة اذا اكل حلى يصدع مباشره شوي ويتعب جسمه ثم يرجع طبيعي. وهذي احد العلامات

الطبعا الشي مو خطير لا تخافون، لكن يخلي الجسم يفرز ادرينالين. فإذا كان الشخص ارتكاسي الحل عنده اكل صحي وحبوب كامله اسمر وما اسمر والامتناع عن السكر لانه يسببله خفض سريع بسبب البنكرياس تفرز انسولين بقوه. وايضا مع الاكل الصحي ينصح انه ياكل كل ثلاث ساعات الى اربعه بالكثير طبعا يفضل وجبات صغيره يعني يجزء يومه خمس وجبات.

طبعا مافي خطر على الارتماسي وقت النوم لان اذا اكل وجبات صحيه بيومه البنكرياس بتصير اهدا ومع الوقت يصير تمام يعني نام ولا تخاف لو انك ارتكاسي،، فقط القضيه في الاكل.


ف ما ادري انا جا ببالي هالشي وقلت يمكن واحد اثنين منكم ارتكاسي ويكون حله هالشي ذا والادرينالين يكون فعلا طالع لسبب مو اضطراب.

الله اعلم

دعواتكم راس مالي

المصدر: نفساني

نسيت اقول ، يسبب قلق مو هلع ترى ... يعني مو انت جالس جاك هلع فجأه تنط تفكر ارتكاسي ههههههههه،، لا يسبب قلق عادي وتوتر لكن طبعا اذا فكرت كثير وصرت خايف من القلق اكيد بينتهي بهلع

السكر مرض عضوي بعيد كل البعد عن مانعانية حنا ونفحط ونحفر فية بها المنتدى

المشاركة الأصلية كتبت بواسطة ألم مستمر

السكر مرض عضوي بعيد كل البعد عن مانعانية حنا ونفحط ونحفر فية بها المنتدى

صحيح السكر مرض عضوي ، لكن الارتكاسي مو مرض اصلا هو زيادة بالانسولين وهي كل القضيه ان الادرينالين يشتغل ،، ف يسبب قلق مو هلع ،، ولهذا ارسلت لا احد يفكر هلع ههههههههههههه

وهي الزبده بالادرينالين مو اكثر وجت ببالي قلت عل وعسى شخص او اثنين فيهم هالشي

اخوي ماندوزا أنا عندي مشكلة في موضوع السكر والضغط

طبعا السكر ينزل عندي بعد الأكل مباشرة !! وسويت تحاليل تراكمي يقولو كويس يوصل 80 واحيانا 75 واروح للدكاترة اقول عندي دوخة والسكر بعد الأكل يوصل 75 او 80 بعد الاكل يقولوا كويس ورحت لدكتور ثاني قال انت عندك امتصاص عالي واعطاني حبوب الياف نباتية لتقليل الامتصاص ولا فادت معي مرة ..

طبعا تعبني هالموضوع وكل ما أحلل تراكمي يطلع كويس طيب احيانا يوصل 140 او 150 يعني احيانا ينزل واحيانا يطلع شوي بس النزول أكثر ..
تجيني حرارة في يديني والرجلين كذلك ولا أدري وش المشكلة احلل دم يقولو كويس كتبت الأعراض في النت اللي يقول سكر واللي يقول اعصاب واللي يقول نقص فيتامين ب !!!! ماعاد أدري وين المشكلة وحللت الدرقية برضو كويس ..

الضغط عندي ينزل يعني مرة وصل 90 على 60 !! فيعطوني مغذية او اشرب موية وملح !!
رحت لدكاترة اللي يقول يمكن تعب او التهاب او الغدة الجار كلوية !!! صراحة تعبت نفسيا من هالموضوع ولا انا عارف وش اسوي !! وصرت موسوس قلت شكل مشاكلي من السكر او الضغط المهم فيه علة !!!

بداية مشاكلي أصلا كانت من بطني جاني مغص قوي واسهال شديد وسويت منظار بعد يمكن 4 شهور من الأوجاع طلع جرثومة معدة والتهاب مزمن في جدار المعدة وكل ما أحلل للجرثومة القاها موجودة مو راضية تروح نهائيا .
في مرة وصفلي دكتور مضادات واومبيرازول لمدة 14 يوم والله العظيم ارتحت راحة عجيبة راحت كل أعراضي من خوف وهلع ووساوس ورجعت طبيعي جدا بس بعد ال 14 يوم انتكست بدون مقدمات ..
يارب اشفنا وعافنا ياكريم ...

الف سلامه عليك ي خيي

لا تقلق يا سيدي الفاضل انت سكرك طبيعي جدا ما شاء الله ولا فيك ارتكاسي ابد ،، الارتكاسي هو الهبوط تحت معدل الخمسين وهذا يحدث للبعض يعني حاله مو منتشره كثير

ولكنها ليست نادره لهذا قلت يمكن في كم شخص .... يعني انا مثلا عندي سكر لكن مصاب بقلق يعني مو شرط اكون بس انخفاض

وبالنسبه للمعده ، ما يصير في افراز ادرينالين لهذا لا تسبب القلق الي هو الخوف،، لكن تسبب اضطراب مزاج لا اكثر

شكلك مثلنا مهلوع بسبب نفسي ليس عضوي

الف سلامه عليك ي خيي