|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
 |
|
|
أدوات الموضوع |
27-08-2010, 07:06 AM
|
#1 | ||||
|
عضو
|
سالفتي طويلة .. وماظن لها حل !
السلام عليكم
صبحكم الله بالخير ورمضان كريم عليكم وعلى كل الامه العربيه الاسلاميه واعاده الله علينا باليمن والبركات المهم اببدا بالموضوع انا بديت افكر بالانتحار او الابتعاد والهروب عن الاهل انا سالفتي اني من انولدت وانا معــقد بتقولون وشلون : انا شاب عمري 17 سنه عندي 2 من الاخوان و 3 من الاخوات وأصغـر العائلة انا .. والمعروف الصغير مفروض ياخذ الدلع كله هههه انا من عمري 4 سنوات او 5 سنوات وعائلتي واخواني بالذات مستحقريني ومستذليني كأني من أم ثانيه او اني من جاي من الشارع مع العلم ان اخواني . اول واحد يكبرني بـ 18 عاما !! واخي الثاني اكبر مني بـ 16 عاما !! الكل كان معاملني وكأني من ام ثانيه يعني كانو مستحقريني لدرجة ماتتصورون من المواقف اللي اذكرها وانا صغير كان حفلة بسيطة لتخرج اختي فـ كانت العائلة كلها مجتمعه مابين اب وام واخواني واخواتي وكلهم مستانسين الا خالد .... خالد هذا كان عنصر جاي غلط بالعائلة يعني كانو يصرفوني وبشتى الطرق لدرجة ان وصلت للضرب والحرمان ويقفلون علي الغرفه مايبوني اطلع وانا عمري تقريبآ 7 سنوات !! مضت الايام وانا وصلت 10سنوات واخواني مازالو معقديني ومعقديني لكن حصل موقف مع اخوي اللي ابرمز له بحرف .. م .. اني فصلت شاحن الجوال بالغلط ووصلت المسأله انه ضربني ضرب من شدة الضرب اني تشنجت ! والمشكلة اني وسط مابين امي واخوي .. أ .. وكان يضربني ضرب الى الان وقسم بالله الموقف كأني اراه يعني اذكر اخوي .. أ .. تدخل بالموضوع ( مع العلم ان اخوي أ كان الوحيد اللي مقدرني من بين اخواني ) وحاول يهدي شوي وكان يحاول يهديني ويعطيني موية لأني بحالة تشنج وأصبت بكتمه واغمى علي يمكن 10 او 5 دقايق مضت الايام ....... اخوي .. م .. خـطب ولكنه خطب من عائلة ( ملتـزمه ) فـ يوم من الايام انا كان معي جوال فـ بالغلط ولد خالتي اخذ جوالي وشغل اغنيه بالغلط وسمع الاغنية اللي هو اخو خطيبت اخي فناقشه بالموضوع وقال الاغاني مابيها ... الخ بعد يومين اخوي .. م .. جايني معصب واخذ جوالي وشاف فيه كم اغنية واخذ الجوال وكسره قدامي وانا عمري بعد يمكن 12 سنه وفوق ذا حرمني من الطلعات والجيات بعذر اني راسب في احدى المواد !! مضت الايام وتزوج اخوي .. م .. ولكنه الـــى الان لم ينجب اي ابن !! انا كبرت وصراحه قد صارحته بهالموضوع وقلت يا .. م .. ان كانك مستغرب ماجاك ولد لليوم ذا اظنها من دعواتي عليك وانت معقدني ومسبب لي ازمات نفسيه !! بعد ماقلت لأخوي هالمصارحه صار يعاملني بأسلوب حسن لكن انا وقسم بالله على مايقدمه لي من هدايا لكن من ماضيه اكرهه لدرجة اني لو اشوفه مدعوس بالشارع ماسعفته ههه يعني اذكر قبل اسبوعين كان يتصل علي يبي يسلم بس ماكنت ارد عليه وعلى كل هذا اصبح عندي مثل العقده , اذا احد جاب طارية او اسمه سبحان الله يضيق خاطري واصبح في كئابة .. هذي سالفة لحدها سالفة اخوي . م .. اخوي .. أ .. مثل ماقلت لكم اخوي أ كان من اكثر اهلي حب لي كان اذا نجحت مايقدم هدية الا لي كان من كل اخواني مايشوف الا انا بالعائلة ! لكن سبحان مغير الاحوال لما وصل عمري 14 اختلفت الاوضاع وصار شي اسمه خالد مايدانيه يعني اذكر مرة عشاني سرقت مفتاح السيارة من ابوي ههه قام ضربني واهانني قدام عيال عمي بس كسرة خشم < على كلامه يعني تخيلو انا بهالعمر وفوق ذا يضربني لا ويقول اذا قلت اكسر خشمك اكسره ويهدد بعد ان ماخليتك تستحي تطلع بين الناس وكلام ماله داعي اقوله بالمنتدى اذكر قبل شهر صار لي موقف ... كنا مسافرين مع الاهل ومقيمين بالديره طبعآ قرية ولا يوجد بها سكان يعني مثل المدينه فـ خرج اهلي يتنزهون ومارحت معهم فجلست بالبيت لحالي الحاصل اني طلعت من البيت بحجة اتمشى حول البيت والجو حاار يعني مدري وش احس فيه هههه فـ انقفل الباب ومامعي مفتاح فـ اظطريت اني انتظرهم ومامعي لا جوال ولا هم يحزنون وقسم بالله 4 ساعات فوق الشمس انتظر وانتظر لكني انفجعت يوم شفت اخوي ..أ .. جاء قلت بس جاك الخير جا وقف ولا نزل من السيارة حتى يسلم قال وش تسوي برى ؟ قلت الباب انقفل واهلي طالعين قال اها ولف السيارة والطريق اللي جا منه رجع معه واللي خلقكم 5 ساعات وانا برى أذن المغرب وأذن العصر يعني ماكان يممديه يقول اركب معي ؟ ولا عالاقل يعطيني فرشة او شي اجلس عليه خلاص سبحان الله صار مايتخيلني عيشة الله ! وعلى كلامه مرة جالسين مع اثنين من عيال عمي وقال شيلو جوالاتكم تروه سراق انتبهو منه لكن الله المستعان السالفة اطول واطول واطول بكثييييييييير لكن انا فكرت اني اطلع من البيت واشرد وافك نفسي وارتاح قسم بالله السالفة اطول بكثير بس تكفون شوفو لي حل انتحار ولا هروب لأني قسم بالله عجزت وكرهت الدنيا بما فيها ومن انولدت والشقى لي مكتوب تحيات موادع ............ المصدر: نفساني
|
||||
|
|
27-08-2010, 07:36 AM
|
#2 | |
|
عضـو مُـبـدع
|
قسم بالله السالفة اطول بكثير بس تكفون شوفو لي حل
انتحار ولا هروب لأني قسم بالله عجزت وكرهت الدنيا بما فيها ومن انولدت والشقى لي مكتوب تحيات موادع ............[/QUOTE] لا يا أخوي من جدك أنت؟؟؟؟؟؟؟ عشان بس هذا المعاملة من أهلك تنتحر ولا تهرب قول أعوذ بالله من الشيطان الرجيم.......أصلاً لو ما تلقيت هذي المعاملة من أهلك ماتصير ولد سعودي طبيعي:-) لازم يعاملونك كذا لأن هذا باعتقادهم من أساسيات التربية.......فلا تلوموهم.........وبعدين صدقني مهما سووى فيك ترى من جواتهم يبغون لك الخير ويخافون عليك........بس مشكلة الغالبية عندنا يعتقدون أنه من الخطأ والعيب أنهم يبينون لك مشاعرهم.......صدقني لو صار لك شئ-بعيد الشر- ما راح تلاقي غير أهلك معك........لا أصدقاء ولا زملاء ولا أحد بيفيدك غيرهم.......فلايوسوس لك الشيطان شوف أخوي.........كبر عقلك وتسامى وطنش......وخذهم على قد عقولهم.......أشغل نفسك بدراستك ومستقبلك وطور من نفسك........وبكرى إذا بنيت نفسك بنفسك ونجحت وبرعت بتجبرهم على احترامك وراح يحسون بتقصيرهم لما يفتخرون فيك ويطلبون مساعدتك أخوي أحمد ربك يقول الرسول صلى الله عليه وسلم "انظروا إلى من هو أسفل منكم. ولا تنظروا إلى من هو فوقكم؛ فهو أجدر أن لا تَزْدروا نعمة الله عليكم"..... شوف المعاناة هنا لبعض الأعضاء شئ يقطع القلب مشكلتك مشكلة اجتماعية مافيه أبسط منه وإن شاء الله يفيدونك المستشارين هنا لا تفكر بطريقة سلبية وتكبر الأمور وهي مو محتاجة دامك في صحة وعافية كل شئ يهون الله ييسر لك |
|
|
|
|
28-08-2010, 09:22 PM
|
#4 | |
|
عضـو مُـبـدع
|
ياخوي خلي تصرفاتك وكلامك متكل علي الله ولاتسوي شي الا انت مقتنع فيه واهم شي يرضي ربك وبعدين حنا مجتمعنا ذكوري ولو البنت مكانك وش سوت بعدين ما ازيد علي ماقلت الاخت مطمئنه الله يجزها بالخير ارضي ربك وامك وابوك وطور نفسك انت المجال قدامك مفتوح ولاتخلي افكار سخيفه تسيطر عليك
|
|
|
|
|
29-08-2010, 05:25 PM
|
#5 | |||
|
عـضو أسـاسـي
|
أخي والله الذي لا إله إلا هو تأثرت بقصتك كثيرا، وأسأل الله سبحانه أن يفرج كربي وكربك أولا لي ملاحظات على مداخلة الأخت مطمئنة جزاها الله خيرا وبارك فيها .. تقول
اقتباس:
لكن أختي يجب أن نعتبر أن هذا الأسلوب خاطئ في التربية ونشدد على ذلك وهذه من النتائج لتلك التربية ..أخي أنا متفق مع أختي مطمئنة في هذا القول : اقتباس:
|
|||
|
|
|
29-08-2010, 08:24 PM
|
#6 | |
|
عضو
|
جزاكم الله كل خير , عسا الله لا يحرمكم من فضله
والحاله الحمدلله مرتاح بس اخواني لا اكلمهم ولا هم يكلموني يعني علاقتنا سطحيه ولا يمكن اننا ناكل سوا او نطلع سوا وما الى ذلك لكن الحمدلله والله اني في راحة نفسيه في بعدهم اشكركم كلكم و الله يعين ..... |
|
|
|
|
29-08-2010, 09:55 PM
|
#8 | |
|
( عضو دائم ولديه حصانه )
|
السلام عليكم
اخي الكريم : عمرك 17 سنه العمر كله ان شاء الله في محبه ورضى الرحمن هذي افكار ترد كثير في هذا العمر نركز على الامور السيئة المضاده لنا ما نشوف الجميل والايجابي كل هذا من تاثير تغيير الهرمونات في هذا العمر حتى اننا نتقمص القصص الي نسمعها ونشوفها بالتلفزيون >>> مرت علي هذه الايام وانا في عمرك لاتنغمس في هذه الافكار عيش حياتك بمرح وسعاده وتعامل مع الناس بحب ولا تنتظر مقابل يقولون الي يقسى علينا يحبنا لانه يبغى يشوفنا افضل الناس يمكن تكون المعامله بزياده اشوي قاسيه والمفروض تكون اللطف لكن حط في بالك ما احد يحبك كثر اهلك |
|
|
|
|
30-08-2010, 11:46 AM
|
#9 | ||
|
عضو
|
اقتباس:
بس ياخوي المشكلة ميب جايه عن الماضي وبس المشكلة ان اخواني ماخذيني عدو لهم والاخوات حاسديني في كل شي والاب والوالده الله يحفظهم بس مب طايحين الا بالتفشيل فيني قدام خلق الله لكن الله يعين ويفرج كربتنا جزاك الله كل خير على اهـتمامك .... |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
