اخوي محمد البدراني وباقي الأخوة الأعضاء ابغى استشيركم رجاءً

اخوي محمد البدراني وباقي الأخوة الأعضاء ابغى استشيركم رجاءً

السلام عليكم ورحمة الله وبركاته ،،

اخواني اتا صار لي تغير مفاجئ في حياتي من شهرين تقريباً

عندي فيتامين د ناقص ، وفيتامين ب 12 ناقص

و انا مستمر في العلاج ، ولم اجد اي تحسن والحمدلله على كل حال

بالنسبه للعلاجات اللي اخذها ، محلول فيدروب لفيتامين د واخذه كل اسبوع مره وصار لي الان 6 اسابيع

وب 12 اخذ حبوب ميثي كوبال اليابانيه 500 جرام حبه يومياً .. وحبوب اوميقا 3 حبه يومياً

الاعراض اللي اعاني منها ولا زالت :

1 تغير في المزاج وكل يوم يزيد للأسوأ يعني اشياء جديده وكئيبه قاعد اعيشها ما قد صار لي قبل كذا مع نسيان بسيط

2 اذا صحيت من النوم احس بضيقه وقلق وكأني في عالم ثاني

3 تفكير طوال اليوم وعدم الاسمتاع بطعم الحياة

4 ما صرت اشتهي الاكل ( اكل وجبه في اليوم )

5 اكره وقت الصباح والظهر والعصر ، وارتاح قليلاً في الليل وقبل الفجر

6 وسواس ملازمني طول اليوم

7 سوداويه اشوفها بكل شي

8 اتخيل اني اسولف مع اشخاص صح اني ما اشوفهم بس مجرد تخبل وعلى فترات

9 خمول وكسل وانام يومياً 14 ساعه و اكثر مع كوابيس مزعجه

10 كرهت كل شي وما عاد صرت اهتم بشي بالعربي تغيرت كثير عن اول واحس اني ضايع

آسف على الإطاله بس ياليت تشيرون هل هذي اعراض اكتئاب فعلاً او هلوسه لا سمح الله او ايش بالضبط

المصدر: نفساني

استمر على فيتامين دال زي والافضل ب حقن اسبوعين اخوي بدر حسب ماقرات الله يشفيك ويسهل عليك

اللهم آمين اخوي صبري ويشفينا جميعاً بس شعور جداً صعب وسيء لحظات وساعات وايام عشتها الله لا يوريها عدو ولا صديق

محمد البدراني صار دكتور بالمنتدى حتى بقوقل تكتب محمد يطلع البدراني جرب جميع الأدوية الله يعوضه بالجنه ويغفر له كل ذنوبه ويرفع درجته مع الصابرين.....

انا كنت اسخط من المرض النفسي والحزن الشديد ورغبة البكاء الوسخه وليست نوبة البكاء وضيق يدفعني لتمني الموت .... بعدها أجاني اللي يخليني اسجد واقول يارب يرجع الاكتئاب انا راضي حتى الكهرباء بالدماغ نزلت عليا أفضل شي انك تشكر وتحمد الله أعجبني هذا فيك

اللهم آمين ..

اخوي فيتامين ب 12 والغده الدرقيه هم السببين الوحدين العضويين اذا صار خلل فبهم يحدث الاكتئاب نصيحتي لاتاكل ادويه نفسيه حل مشكلتك بفتامين اذا زاد رجعت ل سابق عهدك الله يشافيك

اللهم آمين ، بصبر وبشوف و الله يكتب الشفاء لي ولك ولجميع مرضى المسلمين

ب 12 موجود باللحوم ... هل أنت نباتي ولا تأكل اللحوم !!؟ ما أتوقع


إذن المشكلة ممكن تكون مشكلة هضمية .. كون الكبد أصلا بإمكانها تخزن مخزون من فيتامين ب12 كمية تكفيك أكثر من سنة حتى ولو ما أكلت لحوم .. غير انه الفيتامين موجود بأكلات كثيرة غير اللحوم


يعني من الممكن عندك مشكلة بالإمتصاص .. تلبكات معوية .. سوء تغذية .. الخ .. لذلك الحل هو انك تزور طبيب باطنية محترم يجلس يسمع منك كل كل الأشياء اللي تعاني منها وياخذ وقت معك .. مو الأطباء اللي عايش على النظريات اللي درسها قبل ثلاثين سنة ولا يسمع منك ويصرف لك روشتة وانت يا دوبك تتكلم له عن المشاكل اللي تحسها وينادي المريض اللي بعدك

..

هلا اخوي والله انصحك بالرقية الشرعية فورا فورا ولا تهمل نفسك اكثر من كذا وجرب سجل بمنتدي عبدالله الخليفة للرقية الشرعية عشان تستفيد اكثر من برامج الرقية لانها لازم متابعة مع راقي شرعي


اما بالطب النفسي تشخيصك اكتئاب ذهاني وتحتاج الى مضاد اكتئاب ومضاد ذهان وانصحك نصيحة لا تدخل عالم الادوية النفسية الا بعد تجربة كل ما سبق

اخوي عبدالله انا اكل لحوم وماني نباتي وفعلاً من ناحية المشاكل الهضميه ما استبعدها عندي اعزكم الله اسهال وخصوصاً اذا صحيت واكلت اي شي خفيف او ثقيل

اخوي محمد سجلت بمنتدى الشيخ الخليفه وجيت بفتح ملف طبي طلع مقفل ولا عرفت طريقته ، ومن ناحية الإكتئاب حصل معي قبل سنه اكتئاب سريري يعني طول اليوم ما افارق السرير بس كان مزاجي ممتاز والنوم ممتاز والكوابيس قليله ، ومما اثر علي في الفتره الاخيره ضغوطات نفسبه شديده ونقص الفيتامينات اثرت بشكل كبير ودخلتني في متاهات ، وسبق اني اخذت حبة سيبراليكس 10 مل واحسست بعدها بجو غريب اتوقع هوس خلاني مستانس ومبسوط واتأكلم بجرأه استغربت من المفعول في خلال ثلاث ساعات